അല്സൂര് എണ്ണശുദ്ധീകരണശാല 2019-ല് പൂര്ത്തിയാകും
അല്സൂര് എണ്ണശുദ്ധീകരണശലയുടെ നിര്മാണം 2019 അവസാനത്തോടെ പൂര്ത്തിയാകും. രാജ്യത്തെയും മിഡിലീസ്റ്റിലെയും ഏറ്റവും വലിയ എണ്ണ ശുദ്ധീകരണശാലയായി മാറിയേക്കാവുന്ന പദ്ധതിയാണ് ഇത്. പദ്ധതിയുടെ പ്രവൃത്തികള് 20 ശതമാനം പൂര്ത്തിയായതായി കുവൈത്ത് വികസന പ്ളാനിങ് കാര്യങ്ങളുമായി ബന്ധപ്പെട്ട ഉന്നത സമിതി അസിസ്റ്റന്റ് ജനറല് സെക്രട്ടറി ബദര് അല് രിഫാഇ പറഞ്ഞു. പദ്ധതി പ്രദേശത്ത് സന്ദര്ശനം നടത്തിയശേഷം മാധ്യമപ്രവര്ത്തകര്ക്ക് നല്കിയ അഭിമുഖത്തിലാണ് അദ്ദേഹം ഇക്കാര്യം അറിയിച്ചത്. നിശ്ചിത സമയത്തിനുള്ളില് പണി പൂര്ത്തിയാക്കി 2019 അവസാനത്തോടെ എണ്ണശുദ്ധീകരണം തുടങ്ങാന് സാധിക്കുമെന്ന് അദ്ദേഹം അറിയിച്ചു. നിര്മാണ പ്രവൃത്തികള് പുരോഗമിക്കുന്നു. രാജ്യത്തെ ഏറ്റവും വലിയ നിര്മാണ പ്രവൃത്തികളിലെന്നാണ് ഈ പദ്ധതി. മൊത്തം ചെലവ് 4.8 ബില്യന് ദീനാറാണ്.
ഇതുവരെ 15 ശതമാനം ചെലവഴിച്ചുകഴിഞ്ഞു. നിര്മാണ പ്രവൃത്തികളില് 85 ശതമാനവും പൂര്ത്തിയാക്കി. പാരിസ്ഥിതിക പ്രശ്നങ്ങള് പരമാവധി ഇല്ലാതാക്കുന്നതോടൊപ്പം ജോലിക്കാരുടെ ആരോഗ്യവും സുരക്ഷയും ഉറപ്പാക്കുന്നതിനുള്ള സംവിധാനങ്ങളും ഇവിടെ സ്വീകരിച്ചിട്ടുണ്ട്. ഒരുദിവസം ഉല്പാദിപ്പിക്കാന് സാധിക്കുന്ന സംസ്കൃത എണ്ണയുടെ അളവിലും ലോകത്തെ ഏറ്റവും വലുതായിരിക്കും അല് സൂര് പദ്ധതിയെന്നാണ് കണക്കുകൂട്ടല്. വികസിത രാജ്യങ്ങളോട് കിടപിടിക്കുന്ന തരത്തില് ലോകോത്തര നിലവാരത്തിലുള്ള പരിസ്ഥിതി സൗഹൃദ എണ്ണശുദ്ധീകരണമാണ് അധികൃതര് ലക്ഷ്യമാക്കുന്നത്.
https://www.facebook.com/Malayalivartha