പ്രവാസികള്‍ക്ക് ക്ഷേമപദ്ധതികള്‍ പ്രഖ്യാപിച്ച് മുഖ്യമന്ത്രി
പ്രവാസികള്‍ ഏറ്റവും കൂടുതല്‍ അനുഭവിക്കുന്ന പ്രശ്‌നങ്ങള്‍ക്ക് പരിഹാരമാകുന്ന വിധത്തില്‍ സംസ്ഥാന സര്‍ക്കാര്‍ ക്ഷേമപദ്ധതികള്‍ പ്രഖ്യാപിച്ചു. തൊഴില്‍ നഷ്ടപ്പെട്ട് മടങ്ങുന്നവര്‍ക്ക് ആറുമാസത്തെ ശമ്ബളം നല്‍കും. കേസില്‍പ്പെടുന്നവര്‍ക്ക് നിയമസഹായം നല്‍കാന്‍ അഭിഭാഷക പാനലിന്റെ സേവനം ലഭ്യമാക്കുമെന്നും മുഖ്യമന്ത്രി പിണറായി വിജയന്‍ അറിയിച്ചു.
അടിയന്തര ചികില്‍സക്കായി നാട്ടിലെത്തിക്കാന്‍ പ്രത്യേക സൗകര്യം ഏര്‍പ്പെടുത്തും. മൃതദേഹങ്ങള്‍ നാട്ടിലെത്തിക്കുന്ന സംഘടനയ്ക്ക് ധനസഹായം നല്‍കും. പ്രവാസി ജോബ് പോര്‍ട്ടല്‍ തുടങ്ങുമെന്നും മുഖ്യമന്ത്രി ദുബായിയില്‍ പറഞ്ഞു. കഴിഞ്ഞ ദിവസം ഷാര്‍ജയിലെ ലേബര്‍ ക്യാമ്ബ സന്ദര്‍ശിക്കാന്‍ മുഖ്യമന്ത്രി എത്തിയിരുന്നു. തൊട്ടു പിന്നാലെയാണ് മുഖ്യമന്ത്രിയുടെ പ്രഖ്യാപനം.
മറ്റൊരു പ്രധാന പ്രശ്‌നം അടിയന്തിര ചികിത്സയ്ക്ക് നാട്ടിലേക്ക് എത്താന്‍ സാധിക്കുന്നില്ല എന്നതായിരുന്നു. പുതിയ പ്രഖ്യാപനത്തില്‍ അതും പിണറായി പരിഹരിച്ചു. അടിയന്തര ചികിത്സയ്ക്ക് നാട്ടിലെത്തിക്കാന്‍ സൗകര്യം ഒരുക്കും. കേസില്‍ പെടുന്നവര്‍ക്ക് നിയമസഹായം നല്‍കാന്‍ അഭിഭാഷക പാനല്‍ തയ്യാറാക്കും. സാമ്ബത്തിക ശേഷി പരിശോധിച്ച ശേഷം വിമാനടിക്കറ്റും ആംബുലന്‍സ് ചെലവും നല്‍കുന്ന കാര്യം തീരുമാനിക്കും. മൃതദേഹങ്ങള്‍ നാട്ടിലെത്തിക്കുന്ന സംഘടനയ്ക്കു ധനസഹായം നല്‍കാനും സര്‍ക്കാര്‍ തീരുമാനിച്ചു. തൊഴിലന്വേഷകര്‍ക്കായി ജോബ് പോര്‍ട്ടലും, ആരംഭിക്കുമെന്ന് അദ്ദേഹം കൂട്ടിച്ചേര്‍ത്തു.
പൊതു പരിപാടിക്കിടെയാണ് മുഖ്യമന്ത്രിയുടെ പ്രഖ്യാപനം. ക്ഷേമ പദ്ധതികളോടൊപ്പം തന്നെ യുഎഇയുമായി സഹകരിച്ച് കേരളടൂറിസം വികസിപ്പിക്കാനും ധാരണയായിട്ടുണ്ട്. ദുബായില്‍ യുഎഇ ഭരണാധികാരികളുമായി നടത്തിയ കൂടിക്കാഴ്ചയ്ക്കു ശേഷം സംസാരിക്കുകമ്‌ബോഴായിരുന്നു ടൂറിസം വികസനകാര്യത്തില്‍ യുഎഇയുടെ പങ്കാളിത്തം ഉറപ്പാക്കുന്നതു സംബന്ധിച്ച് ചര്‍ച്ച നടത്തിയത്. ടൂറിസം രംഗത്ത് വിസ്മയകരമായ കാര്യങ്ങളാണ് യുഎഇ നടപ്പാക്കുന്നത്. ഇവ കേരളത്തിലും നടപ്പാക്കുന്ന കാര്യം യുഎഇയുമായി ചര്‍ച്ച നടത്തിയിട്ടുണ്ട്. കേരളത്തിന്റെ ഭൂപ്രകൃതി ഉപയോഗപ്പെടുത്തി ടൂറിസം വികസിപ്പിക്കുന്ന കാര്യം യുഎഇ സമ്മതിച്ചിട്ടുണ്ടെന്നും മുഖ്യമന്ത്രി പറഞ്ഞു.
കേരളത്തിന്റെ ഭൂപ്രകൃതി വച്ചു നോക്കിയാല്‍ വലിയ രീതിയിലുള്ള വികസനം സാധ്യമാകും. ജുമൈറ അടക്കം യുഎഇയുടെ വികസനപദ്ധതികള്‍ക്കുള്ള ഉദാഹരണമാണ്. കടലോര ടൂറിസത്തില്‍ കേരളം ഉപയോഗിക്കുന്ന തീരദേശ മേഖലകള്‍ കുറവാണ്. കോവളവും വര്‍ക്കലയും മാത്രമാണ് ഇപ്പോള്‍ ഉപയോഗിക്കുന്നത്. ഇതിനു പുറമേ മലബാറില്‍ ധാരാളം കടലോര മേഖകള്‍ ടൂറിസത്തിന്റെ വളര്‍ച്ചയ്ക്ക് സഹായിക്കുന്നതുണ്ട്. ഇവയെയും ഉപയോഗപ്പെടുത്തുമെന്നും അദ്ദേഹം കൂട്ടിച്ചേര്‍ത്തു.
ആയുര്‍വേദ വികസനത്തില്‍ ഗവേഷണ സ്ഥാപനം തുടങ്ങുന്ന കാര്യം ദുബായ് സര്‍ക്കാര്‍ ആലോചിക്കുന്നുണ്ട്. ഇക്കാര്യത്തില്‍ സര്‍ക്കാര്‍ താല്‍പര്യം പ്രകടിപ്പിക്കുകയും ചെയ്തു. ദുബായിലും ചില ആയുര്‍വേദ പദ്ധതികള്‍ ആരംഭിക്കും. ഇത് കേരളത്തിലെയും ദുബായിലെയും ആയുര്‍വേദത്തിന്റെ വളര്‍ച്ചയ്ക്ക് സഹായിക്കും. യുഎഇ മലയാളികള്‍ക്കായി സാംസ്കാരിക നിലയം ആരംഭിക്കുന്ന കാര്യം ദുബായ് സര്‍ക്കാരുമായി സംസാരിച്ചിട്ടുണ്ട്. യുഎഇയിലെ മലയാളികള്‍ക്ക് സാംസ്കാരിക പരിപാടികള്‍ സംഘടിപ്പിക്കാന്‍ ഇത്തരം കേന്ദ്രങ്ങള്‍ സഹായിക്കും.മലയാളം കൂടി പഠിപ്പിക്കുന്ന പബ്ലിക് സ്‌കൂളുകള്‍ ആരംഭിക്കണമെന്ന ആവശ്യവും ഉന്നയിച്ചിട്ടുണ്ട്. പ്രൊഫഷണല്‍ കോളജുകളുടെ സൗകര്യത്തെ കുറിച്ചും സംസാരിച്ചതായും മുഖ്യമന്ത്രി പറഞ്ഞു.
https://www.facebook.com/Malayalivartha
