2018-ല് യു.എ.ഇ.യിലെ വീടുകളില് 'സ്മോക്ക് അലാറം' നിര്ബന്ധമാക്കും
യു.എ.ഇ.യിലെ എല്ലാ വീടുകളിലും 2018-ല് 'സ്മോക്ക് അലാറം' നിര്ബന്ധമാക്കും. ഇതിന് മുന്നോടിയായി തീപ്പിടിത്തത്തെ പ്രതിരോധിക്കേണ്ടതിന്റെയും മുന്നറിയിപ്പ് സംവിധാനത്തിന്റെ ആവശ്യകതയും വിശദീകരിക്കുന്ന പ്രചാരണപരിപാടിക്ക് ഷാര്ജയില് തുടക്കമായി. ആഭ്യന്തര മന്ത്രാലയത്തിന്റെയും സിവില് ഡിഫന്സ് ജനറല് ഡയറക്ടറേറ്റിന്റെയും കീഴിലാണ് പ്രചാരണ, ബോധവത്കരണ പരിപാടികള് നടക്കുന്നത്. സ്മോക്ക് അലാറങ്ങളുടെ പ്രാധാന്യം ബോധ്യപ്പെടുത്തുന്നതാണ് പ്രചാരണപരിപാടികളെന്ന് ഫുജൈറ അഗ്നിശമനവിഭാഗം ഡയറക്ടര് ലെഫ്. കേണല് അലി ഉബൈദ് അല് തുനൈജി ചൂണ്ടിക്കാട്ടിഇതുസംബന്ധിച്ച ഫെഡറല് നിയമം പ്രാബല്യത്തില് വരുന്നതോടെ മുഴുവന് അപ്പാര്ട്ട്മെന്റുകളിലും വില്ലകളിലും തീപ്പിടിത്ത മുന്നറിയിപ്പ് അലാറങ്ങള് നിര്ബന്ധമാക്കും. ഷാര്ജയില് തുടക്കമാകുന്ന പ്രചരണപരിപാടികള് പിന്നീട് മധ്യ മേഖലകളിലേക്കും വ്യാപിപ്പിക്കും. ആദ്യഘട്ടത്തില് എമിറേറ്റിലെ തിരഞ്ഞെടുക്കപ്പെട്ട ആയിരംവീടുകളില് സൗജന്യമായി സ്മോക്ക് അലാറങ്ങള് ഘടിപ്പിച്ചു നല്കുമെന്ന് ഷാര്ജ സിവില് ഡിഫന്സ് ഡയറക്ടര് ലെഫ്. കേണല് സമി അല് നഖ്ബി അറിയിച്ചു.
https://www.facebook.com/Malayalivartha
