ഇത് റോബോട്ടുകളുടെ യുഗമാണ്. പല വിദേശ രാജ്യങ്ങളിലും ഹോട്ടലുകളിലും മറ്റും റോബോട്ടുകൾ ജോലിചെയ്യുന്നു എന്നുള്ളത് പുതുമയല്ല. എന്നാൽ യുഎഇ ഫാർമസികളിൽ ഇതുവരെ ജോലിക്ക് റോബോട്ടിനെ നിയമിച്ചിട്ടില്ല. ദുബായിയിലെ റഷീദ് ഫാർമസിയാണ് ആദ്യമായി മരുന്നെടുത്തുകൊടുക്കാൻ റോബോട്ടിനെ നിർത്തി ചരിത്രത്തിന്റെ ഭാഗമാകുന്നത്.

റോബോട്ടിക് സംവിധാനത്തില്‍ 35,000 മരുന്നുകള്‍ സൂക്ഷിക്കാനും ഒരു മിനിറ്റുള്ളില്‍ 12 കുറിപ്പുകളിലെ മരുന്നുകള്‍ വിതരണം ചെയ്യാനും കഴിയും .ഇതോടെ രോഗികൾക്ക് മരുന്നിനായുള്ള കാത്തിരിപ്പു സമയം കുറയും. കുറിപ്പ് വായിക്കുന്നതും മരുന്ന് എടുത്തുകൊടുക്കുന്നതും റോബോട്ട് ആയതിനാൽ മരുന്ന് എടുത്തുകൊടുക്കുമ്പോൾ തെറ്റുവരില്ലെന്ന പ്രതീക്ഷയിലാണ് അധികൃതർ.