രാജ്യത്തെ വസന്തോത്സവമായ ഹലാ ഫെസ്റ്റിവലിന്റെ ഒരുക്കങ്ങള് പൂര്ത്തിയായി
കുവൈത്തിന്റെ വസന്തോത്സവമായി അറിയപ്പെടുന്ന ഹലാ ഫെസ്റ്റിവലിന്റെ 18ാമത് പതിപ്പിന് ഒരുക്കങ്ങള് പൂര്ത്തിയായി. ജനുവരിഫെബ്രുവരി മാസങ്ങളിലായാണ് ഹലാ ഉത്സവം നടക്കുന്നത്. കുവൈത്ത് സിറ്റി, സാല്മിയ ഭാഗങ്ങളിലായാണ് ഹലാ ഫെബ്രുവരി ആഘോഷങ്ങളുടെ സുപ്രധാന പരിപാടികള് മിക്കതും നടക്കുന്നത. രാജ്യത്തെ ടൂറിസം, ഷോപ്പിങ് മേഖലക്ക് ഉണര്വേകുന്ന നിരവധി പരിപാടികള് ആഘോഷത്തില് ഉണ്ടാകുമെന്ന് മീഡിയയുടെ ചുമതലയുള്ള സംഘാടക സമിതിയംഗം വലീദ് അല് സഖാബി പറഞ്ഞു. ഗ്രീന് ഐലന്ഡില് നിരവധി പരിപാടികള് അരങ്ങേറും. വൈകുന്നേരങ്ങളില് വിവിധ ഷോപ്പിങ് കേന്ദ്രങ്ങളില് കല, വിനോദ പരിപാടികള് നടക്കും. വിനോദപരിപാടികളുടെയും കായികമത്സരങ്ങളുടെയും വിവിധരൂപങ്ങള് ഈ ആഘോഷത്തില് ആസൂത്രണം ചെയ്തിട്ടുണ്ട്. ബൗദ്ധിക, സാംസ്കാരിക, കലാമേഖലയിലെ പ്രമുഖര് ഇതില് സംബന്ധിക്കും. പരമ്പരാഗത വേഷങ്ങളിലുള്ള നര്ത്തകരും കലാകാരന്മാരും ഈ ദിവസങ്ങളില് റോഡുകള് കൈയടക്കും. വൈവിധ്യമാര്ന്നതും പുതുമയുള്ളതുമായ പരിപാടികള് ഓരോ തവണയും ഈ ഉത്സവത്തില് ഉണ്ടാകാറുണ്ട്.
ഇത്തവണത്തെ പ്രത്യേകത യുവാക്കളുടെ ചെറുകിട, ഇടത്തരം സംരംഭങ്ങളുടെയും നവീനാശയങ്ങളുടെയും പ്രദര്ശനമായിരിക്കും. സ്വകാര്യ മേഖലയിലെ വിവിധ മാളുകളും ബിസിനസ് ഗ്രൂപ്പുകളും മേളയുമായി സഹകരിക്കും. ഗള്ഫ് മേഖലയിലെ ശ്രദ്ധേയമായ വ്യാപാരോത്സവമാണ് കുവൈത്തിലെ ഹലാ ഫെബ്രുവരി ഫെസ്റ്റിവല്. ഒരുമാസത്തിനിടെ പത്ത് മില്യന് സമ്മാനക്കൂപ്പണുകളും രണ്ടു മില്യന് ഡോളറിന്റെ സമ്മാനങ്ങളും വിതരണംചെയ്യുമെന്ന് അധികൃതര് അറിയിച്ചു. കഴിഞ്ഞവര്ഷത്തെ അപേക്ഷിച്ച് ഇത്തവണ 20 ശതമാനം അധിക പങ്കാളിത്തമുണ്ടാവുമെന്നാണ് അധികൃതരുടെ പ്രതീക്ഷ.
https://www.facebook.com/Malayalivartha
