തട്ടിപ്പുകാര്ക്കെതിരെ എംബസിയുടെ മുന്നറിയിപ്പ്
അറ്റസ്റ്റേഷന് അയയ്ക്കുന്ന സര്ട്ടിഫിക്കറ്റുകള് എത്രയും പെട്ടെന്ന് ശരിയാക്കാമെന്ന് പറഞ്ഞ് പണം തട്ടുന്നവര്ക്കെതിരെ ഇന്ത്യന് എംബസിയുടെ മുന്നറിയിപ്പ്. കുവൈത്ത് അധികൃതര് വഴിയും ഡല്ഹിയിലെ കുവൈത്ത് എംബസിയിലൂടെയും അറ്റസ്റ്റേഷന് അയയ്ക്കുന്ന സര്ട്ടിഫിക്കറ്റുകളാണ് ഇത്തരത്തില് തട്ടിപ്പിനിരയാകുന്നത്. ഇന്ത്യയിലെ സര്വകലാശാലകള്/ ഫോറിനേഴ്സ് റീജനല് റജിസ്ട്രേഷന് ഓഫിസ് എന്നിവിടങ്ങളില് അറ്റസ്റ്റേഷന് നടത്തുന്നതിന് നല്കേണ്ട തുക എന്ന പേരിലാണ് ഇന്ത്യക്കാരില് നിന്നും ഇവര് പണം തട്ടുന്നത്. സര്ട്ടിഫിക്കറ്റുകള് അറ്റസ്റ്റ് ചെയ്യുന്നതിനായി എടുക്കുന്ന കാലതാമസം ഒഴുവാക്കി എളുപ്പത്തില് കാര്യങ്ങള് നടത്തിത്തരമെന്ന വാഗ്ദാനവുമായി സമീപിക്കുന്നവര് വ്യാജന്മാരാണെന്നു
എംബസി മുന്നറിയിപ്പ് നല്കുന്നു. സര്ട്ടിഫിക്കറ്റ് അറ്റസ്റ്റേഷനു വേണ്ടി ബാങ്ക് വഴി പണമടയ്ക്കാന് ആവശ്യപ്പെടാറില്ലെന്നും ഇതുമായി കുവൈത്ത് എംബസിക്ക് യാതൊരു ബന്ധവുമില്ലെന്നും അധികൃതര് അറിയിച്ചതായി ഇന്ത്യന് എംബസി വ്യക്തമാക്കി.
https://www.facebook.com/Malayalivartha