തൊഴിലുടമയുടെ അനുമതിയുണ്ടെങ്കില്‍ മറ്റൊരാളുടെ കീഴില്‍ ജോലി ചെയ്യാം
രാജ്യത്തേക്കുളള പ്രവാസികളുടെ വരവും പോക്കും താമസവും സംബന്ധിച്ച പുതിയ കുടിയേറ്റ നിയമത്തിലെ പ്രധാന വ്യവസ്ഥകള്‍ സംബന്ധിച്ച് ആഭ്യന്തര മന്ത്രാലയത്തിന്റെ വിശദീകരണത്തിലാണ് ഇവ വ്യക്തമാക്കിയത്. 2016 ഡിസംബര്‍ 13നാണ് പുതിയ കുടിയേറ്റനിയമം പ്രാബല്യത്തിലായത്. പുതിയ നിയമപ്രകാരം അടിയന്തരമായി സ്വദേശത്തേക്ക് അവധിക്ക് മടങ്ങേണ്ടി വരുന്ന തൊഴിലാളിക്ക് തൊഴിലുടമ എക്‌സിറ്റ് പെര്‍മിറ്റ് നിഷേധിച്ചാല്‍ എക്‌സിറ്റ് പെര്‍മിറ്റ് ഗ്രീവന്‍സസ് കമ്മിറ്റിക്ക് പരാതി നല്‍കാം. തൊഴില്‍ കരാര്‍ കാലാവധി അവസാനിക്കുകയോ ഓപ്പണ്‍ എന്‍ഡഡ് കരാറുകളില്‍ അഞ്ചുവര്‍ഷത്തെ സേവനകാലാവധി പൂര്‍ത്തിയാക്കുകയോ ചെയ്യുന്ന തൊഴിലാളിക്ക് മറ്റൊരു തൊഴിലിലേക്ക് മാറാനുള്ള അനുമതിയും പുതിയ നിയമം വ്യവസ്ഥ ചെയ്യുന്നു.
മറ്റൊരു തൊഴിലുടമയുടെ കീഴില്‍ ആറുമാസക്കാലം ജോലിചെയ്യുന്നതിനായി രേഖാമൂലമുള്ള അനുമതി നല്‍കാന്‍ തൊഴിലുടമയ്ക്ക് അവകാശമുണ്ടെന്ന് ആഭ്യന്തര മന്ത്രാലയം അറിയിച്ചു. ആറുമാസത്തേക്ക് കൂടി ഈ കാലാവധി പുതിക്കി നല്‍കാനും തൊഴിലുടമയ്ക്ക് അവകാശമുണ്ട്്. തൊഴിലുടമയുടെ അവകാശം പോലെതന്നെ മറ്റൊരു തൊഴിലുടമയില്‍ നിന്ന് പാര്‍ട്‌ടൈം ജോലി സ്വീകരിക്കാന്‍ പ്രവാസി ഉ്‌ദ്യോഗസ്ഥനും അവകാശമുണ്ടായിരിക്കുന്നതാണ്. എന്നാല്‍ യഥാര്‍ഥ തൊഴിലുടമയുടെ അനുമതിയില്ലാതെ മറ്റൊരു തൊഴിലുടമയുടെ കീഴില്‍ ജോലി ചെയ്യാനും പാടില്ല. യഥാര്‍ഥ തൊഴിലുടമയില്‍ നിന്ന് രേഖാമൂലമുള്ള അനുമതി തേടിയിരിക്കണം.
https://www.facebook.com/Malayalivartha
