ഇന്തോ-യു.എ.ഇ .സാംസ്‌കാരിക സംഗമം ദുബായില്‍ സംഘടിപ്പിച്ചു
ഇന്ത്യ-യു.എ.ഇ. സാംസ്‌കാരിക വിനിമയം ശക്തമാക്കുക എന്ന ലക്ഷ്യത്തോടെ യു.എ.ഇ. റൈറ്റേഴ്‌സ് യൂണിയന്‍ അല്‍ തവാറിലെ പബ്ലിക് ലൈബ്രറി ആസ്ഥനത്ത് ഇന്തോ യു.എ.ഇ .സാംസ്‌കാരിക സംഗമം സംഘടിപ്പിച്ചു. ഈ സംഗമത്തില്‍ പയ്യന്നൂര്‍ ഗ്രാമം പ്രതിഭയുടെ 31 കാലകാരന്‍മാര്‍ അവതരിപ്പിച്ച കോല്‍ക്കളി അരങ്ങേറി. സ്വദേശികള്‍ നിറഞ്ഞ സദസ്സിന് മുന്നില്‍ അവതരിപ്പിച്ച കോല്‍ക്കളിക്ക് ഏറെ പ്രശംസ ലഭിച്ചു. സ്വദേശി കവി ശിഹാബ് ഗാനിം, കവിയും മാധ്യമപ്രവര്‍ത്തകനുമായ ഖാലിദ് അബ്ദുള്ള അല്‍ ധന്‍ഹാനി, സാംസ്‌കാരിക പ്രവര്‍ത്തകനായ വി.ടി.വി. ദാമോദരന്‍ എന്നിവര്‍ ചടങ്ങില്‍ പങ്കെടുത്തു.
യു.എ.ഇ. യുടെ വിവിധ ഭാഗങ്ങളിലും കേരളത്തിലും സംഘടിപ്പിക്കുന്ന കലാ സാംസ്‌കാരിക പരിപാടികള്‍ ഈ രംഗത്തെക്കുറിച്ച് കൂടുതല്‍ മനസ്സിലാക്കാന്‍ സഹായിച്ചതായി ധന്‍ഹാനി പറഞ്ഞു. അറബിയിലേക്ക് വിവര്‍ത്തനം ചെയ്ത കവിതകള്‍ ശിഹാബ് ഗാനിം ആലപിച്ചു. വി.ടി.വി. ദാമോദരനും കവിതകള്‍ ആലപിച്ചു. യു.എ.ഇ. റൈറ്റേഴ്‌സ് യൂണിയന്‍ ദുബായ് അഡ്മിനിട്രേഷന്‍ വകുപ്പ് ചെയര്‍പേഴ്‌സണ്‍ അല്‍ ഹനൂഫ് മുഹമ്മദ് കോല്‍ക്കളി സംഘത്തിന് സര്‍ട്ടിഫിക്കറ്റുകള്‍ വിതരണം ചെയ്തു.
https://www.facebook.com/Malayalivartha
