കുവൈത്ത് മലയാളി സമാജം വാര്‍ഷികാഘോഷം സംഘടിപ്പിച്ചു
അബ്ബാസിയ പോപ്പിന്‍സ് ഹാളില്‍ കഴിഞ്ഞ ദിവസം മലയാളി സമാജം വാര്‍ഷികാഘോഷം സംഘടിപ്പിച്ചു ഹൈപ്പര്‍ എം.ഡി അയൂബ് കച്ചേരി പൊതുയോഗം ഉദ്ഘാടനം ചെയ്തു. പ്രസിഡന്റ് വര്‍ഗീസ് പോള്‍ അധ്യക്ഷത വഹിച്ചു. ട്രഷറര്‍ ബിനോയ് ചന്ദ്രന്‍ സ്വാഗതവും പ്രോഗ്രാം കണ്‍വീനര്‍ മാക്‌സി ജോസഫ് നന്ദിയും പറഞ്ഞു. ജനറല്‍ സെക്രട്ടറി ഹരീഷ് തൃപ്പൂണിത്തുറ പ്രവര്‍ത്തന റിപ്പോര്‍ട്ട് അവതരിപ്പിച്ചു. രക്ഷാധികാരി രാജീവ് നടുവിലെമുറി, നോര്‍ക്ക ഡയറക്ടര്‍ ബോര്‍ഡംഗം വര്‍ഗീസ് പുതുക്കുളങ്ങര തുടങ്ങിയവര്‍ സംസാരിച്ചു.
ചടങ്ങില്‍ കലാരംഗത്ത് വ്യക്തിമുദ്ര പതിപ്പിച്ച ബാബുജി ബത്തേരിയെയും നിയമവിദഗ്ധന്‍ അഡ്വ. രാജേഷ് സാഗറിനെയും ആദരിച്ചു. പക്ഷാഘാതം മൂലം കുവൈത്തിലെ ജോലി നഷ്ടപ്പെട്ട് നാട്ടില്‍ ചികിത്സയില്‍ കഴിയുന്ന മലയാളി സമാജം അംഗത്തിന് ചികിത്സ ധനസഹായവും വിതരണം ചെയ്തു. യോഗത്തിന് മുമ്പ് അഡ്വ. രാജേഷ് സാഗര്‍ നയിച്ച 'നിയമ ബോധവത്കരണ' ക്‌ളാസും യോഗാനന്തരം വിബിന്‍ കലാഭവനും സംഘവും അവതരിപ്പിച്ച വിവിധ കലാപരിപാടികളും അരങ്ങേറി. ഈപ്പന്‍ ജോര്‍ജ്, ഗോപിനാഥന്‍, ജിജുപോള്‍, മാത്യു ചെന്നിത്തല, സാബു മാവേലിക്കര, സിനു ജോണ്‍, സഞ്ജയ് കുമാര്‍ തുടങ്ങിയവര്‍ പരിപാടികള്‍ നിയന്ത്രിച്ചു.
https://www.facebook.com/Malayalivartha
