ജോലിക്കാരുടെ മകനെ ജയിലില് നിന്ന് മോചിപ്പിക്കാന് സ്പോണ്സര് യു.എ.ഇയിലത്തെി
വടക്കന് സൗദിയിലെ ഹാഇല് സ്വദേശിയായ അയദ ഖുദൈര് അല് റുമ്മാലി തന്റെ ജോലിക്കാരുടെ മകനെ ജയിലില് നിന്ന് മോചിപ്പിക്കാന് യു.എ.ഇയിലത്തെി. റുമ്മാലിയുടെ വീട്ടുജോലിക്കാരായ യാസിന്അനീസ ദമ്പതികളുടെ മകന് അലി ഒരു അടിപിടി കേസില് അബുദാബി ജയിലില് ആയതിനെതുടര്ന്ന് നിയമസഹായം നല്കാനാണ് റുമ്മാലി അബുദാബിയിലെത്തിയത്. രണ്ടുമാസം മുന്പ് തൊഴില് സ്ഥലത്തുണ്ടായ വാക്കുതര്ക്കത്തെ തുടര്ന്ന് പാകിസ്താന് സ്വദേശിയെ അലി മര്ദിക്കുകയായിരുന്നു. ഈ സംഭവത്തിന് പിന്നാലെ അലിയെ കുറിച്ചുളള വിവരങ്ങളൊന്നും കിട്ടാതായ മാതാപിതാക്കള് വിഷയം സ്പോണ്സറെ അറിയിക്കുകയായിരുന്നു. മാതാപിതാക്കളുടെ വിഷമത്തില് മനസലിഞ്ഞ സ്പോണ്സര് റുമ്മാലി വിഷയത്തില് ഇടപെടാമെന്ന് ഉറപ്പു നല്കുകയും കഴിഞ്ഞയാഴ്ച അദ്ദേഹം യു.എ.ഇയിലേക്ക് തിരിക്കുകയും ചെയ്തു.
വിവിധ തലങ്ങളില് നടത്തിയ അന്വേഷണത്തിനൊടുവില് റിമാന്ഡ് ജയിലിലാണ് അലിയെ പാര്പ്പിച്ചിരിക്കുന്നതെന്ന് കണ്ടത്തെി. അടിപിടിക്ക് ശേഷം ഇയാളെ ഇങ്ങോട്ടാണ് കൊണ്ടുവന്നത്. റുമ്മാലി പറയുന്നു. അലിയെ കണ്ട് കാര്യങ്ങള് തിരക്കിയ ശേഷം കേസുകൊടുത്ത പാകിസ്താനിയെ തേടി കമ്പനിയിലത്തെി. പക്ഷേ, അപ്പോഴേക്കും അയാള് നാട്ടില് ലീവിന് പൊയ്ക്കഴിഞ്ഞിരുന്നു. ഫോണില് അയാളുമായി ദീര്ഘമായി സംസാരിക്കുകയും കേസ് പിന്വലിക്കാമെന്ന് സമ്മതിപ്പിക്കുകയും ചെയ്തു. വിവരം റുമ്മാലി ബന്ധപ്പെട്ട അധികാരികളെ അറിയിച്ചു. തുടര്ന്ന് അലി മോചിതനായി.
യു.എ.ഇയിലെ സുരക്ഷാ ഉദ്യോഗസ്ഥരും പൗരന്മാരും ഏറെ ദയാവായ്പോടെയാണ് ദൗത്യത്തിനിടെ തന്നോട് പെരുമാറിയതെന്ന് റുമ്മാലി പറഞ്ഞു. ജോലിക്കാരുടെ മകന്റെ മോചനത്തിന് വേണ്ടിയാണ് ശ്രമിക്കുന്നതെന്ന് അറിഞ്ഞപ്പോള് ഉദാരമായ സഹായം എല്ലായിടത്തു നിന്നും കിട്ടിയെന്നും അവര്ക്കൊക്കെ നന്ദി പറയുകയാണെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
