രാജ്യത്ത് അമ്പത് ശതമാനത്തിലധികം സ്വദേശികളും വായിക്കുന്നത് ഇ പേപ്പര്
കിങ് അബ്ദുല് അസീസ് ദേശീയ ഡയലോഗ് സെന്റര് നടത്തിയ സര്വേയില് രാജ്യത്ത് അമ്പത് ശതമാനത്തിലധികം സ്വദേശികളും വായിക്കുന്നത് ഇ പേപ്പറാണ്. സര്വേയില് സ്ത്രീകളും പുരുഷന്മാരും ഉള്പ്പടെ 1016 സ്വദേശികള് പങ്കെടുത്തിരുന്നു. 53ശതമാനം പേര് ഇ പേപ്പറും 23 ശതമാനം പേര് അച്ചടി മാധ്യമങ്ങളും വായിക്കുന്നു. 16 ശതമാനം പേര് രണ്ടും വായിക്കുന്നുണ്ട്. 39 ശതമാനം പേര് ദിവസേനയുള്ള പത്രവായനക്ക് വലിയ പ്രാധാന്യം കൊടുക്കുന്നില്ളെന്നും 23 ശതമാനം എപ്പോഴും താല്പര്യം കാണിക്കുന്നതായും സര്വേയില് വ്യക്തമായി. 35.5 ശതമാനം പേര് വാര്ത്തകളറിയാന് ടെലിവിഷന് ചാനലുകളെയാണ് ആശ്രയിക്കുന്നത്.
സ്ത്രീകളില് 52 ശതമാനം ഇ പേപ്പറിന് മുന്ഗണന നല്കുന്നു. പുരുഷന്മാരാണ് സ്ത്രീകളേക്കാള് ഇ പേപ്പര് വായനക്ക് മുന്ഗണന നല്കുന്നത്. 25 ശതമാനം സ്ത്രീകള് മാത്രമാണ് അച്ചടി മാധ്യമങ്ങള്ക്ക് മുന്ഗണന നല്കുന്നത്. നാല് ശതമാനമാളുകള് റോഡിയോയും. 22 ശതമാനം സ്നാപ്പ് ഷോട്ട് വഴിയും 20 ശതമാനം ട്വിറ്ററും 12 ശതമാനം വാട്ട്സ് ആപ് വഴിയും വാര്ത്തകളറിയുന്നവരാണ്. പ്രായമനുസരിച്ചുള്ള സര്വേയില് 50 ശതമാനത്തില് മുകളിലുള്ളവരില് 43 ശതമാനം അച്ചടി മാധ്യമങ്ങള്ക്കാണ് മുന്ഗണന നല്കുന്നത്. 20 നും 30 നുമിടയിലെ യുവാക്കളില് 70 ശതമാനം ഇ പേപ്പര് വായിക്കുന്നവരാണ്.
https://www.facebook.com/Malayalivartha