സൗദിയില് വിദേശികളുടെ വര്ക് പെര്മിറ്റ് പുതുക്കുന്നതിന് വാടകരേഖ നിര്ബന്ധമാക്കാന് തീരുമാനം
സൗദിയില് വിദേശികളുടെ വര്ക് പെര്മിറ്റ് പുതുക്കുന്നതിന് താമസിക്കുന്ന കെട്ടിടത്തിന്റെ വാടകരേഖ നിര്ബന്ധമാക്കാന് മന്ത്രിസഭാ തീരുമാനമായി. തലസ്ഥാനത്തെ അല്യമാമ കൊട്ടാരത്തില് സല്മാന് രാജാവിന്റെ അധ്യക്ഷതയില് തിങ്കളാഴ്ച ചേര്ന്ന മന്ത്രിസഭാ യോഗമാണ് ഭവന, തൊഴില് മന്ത്രാലയങ്ങള് തമ്മില് രേഖകള് ബന്ധിപ്പിക്കുന്നതിന് അംഗീകാരം നല്കിയത്.
വിദേശികളായ എല്ലാവര്ക്കും രജിസ്ട്രേഷന് നിര്ബന്ധമാണ്. രജിസ്റ്റര് ചെയ്യുമ്പോള് വിദേശികളുടെ തൊഴില് കൂടി ഉള്പ്പെടുത്തണം. ഇത് റെസിഡന്റ് പെര്മിറ്റിലെ തൊഴിലുമായി ഒത്തുവരുകയും വേണം. എന്നാല്, പരിഷ്കരണം എന്നുമുതല് പ്രാബല്യത്തില്വരുമെന്ന് വ്യക്തമാക്കിയിട്ടില്ല. ഇതിനായി 'ഈജാര്' എന്ന ഇലക്ട്രോണിക് സംവിധാനവും ആരംഭിച്ചിട്ടുണ്ട്. എല്ലാത്തരം വാടക കരാറിനും ഈ നിയമം ബാധകമാണ്. സര്ക്കാര് ഓഫിസുകള്ക്കുവേണ്ടി വാടകക്ക് എടുക്കുന്ന കെട്ടിടങ്ങളും ഈജാര് സംവിധാനത്തില് രജിസ്റ്റര് ചെയ്തിരിക്കണം. ഈ സംവിധാനത്തില് രജിസ്റ്റര് ചെയ്യാത്ത വാടക കരാറുകള് അസാധുവാകുന്നതാണ്.
https://www.facebook.com/Malayalivartha