ഇന്ത്യന്‍ ഉത്പന്നങ്ങളുടെ വിപണന മേളയൊരുക്കി ഇന്ത്യാന
ഇന്ത്യന്‍ ഉത്പന്നങ്ങളുടെ വിപണന മേളയൊരുക്കി ഇന്ത്യാനയുടെ ആദ്യ പ്രദര്‍ശനത്തിന് മാര്‍ച്ച് പതിനാറിന് തുടക്കമാകും. ഖത്തറിലേയും ഇന്ത്യയിലേയും വ്യവസായ, വാണിജ്യമേഖലയുടെ സഹകരണത്തോടെയാണ് പ്രദര്‍ശനം നടത്തുന്നത്. ഇന്ത്യന്‍ എംബസി, ഖത്തര്‍ ചേംബര്‍ എന്നിവയുടെ സഹകരണത്തോടെ ദോഹ എക്‌സിബിഷന്‍ ആന്‍ഡ് കണ്‍വെന്‍ഷന്‍ സെന്ററിലാണ് ഇന്ത്യാന പ്രദര്‍ശനം നടക്കുന്നത്. പ്രദര്‍ശനം മാര്‍ച്ച് 22ന് സമാപിക്കും.
ഇരുരാജ്യങ്ങളിലേയും വ്യാപാരികള്‍, വിതരണക്കാര്‍, നിര്‍മാതാക്കള്‍, നിക്ഷേപകര്‍, ഉപഭോക്താക്കള്‍ എന്നിവര്‍ക്ക് കൂടുതല്‍ അവസരങ്ങളും സാധ്യതകളും പ്രദര്‍ശനത്തിലൂടെ ലഭിക്കും. പ്രദര്‍ശനത്തിന്റെ ഭാഗമായി സെമിനാറുകളും ശില്പശാലകളും നടക്കും. പ്രദര്‍ശനത്തില്‍ മുന്നൂറോളം ഇന്ത്യന്‍ നിര്‍മാതാക്കളും സേവനദാതാക്കളും പങ്കെടുക്കും. ഇന്ത്യയുടെ വ്യത്യസ്ത ഉത്പന്നങ്ങള്‍ക്ക് കൂടുതല്‍ വിപണന സാധ്യത ഉറപ്പുവരുത്തുക എന്നതാണ് ഈ പ്രദര്‍ശനത്തിന്റെ ലക്ഷ്യം. ബിസിനസ്സില്‍ നിന്ന് ബിസിനസ് ഉണ്ടാക്കാനും ബിസിനസില്‍ നിന്ന് ഉപഭോക്താക്കളെ സൃഷ്ടിക്കാനുമുള്ള രണ്ട് അവസരങ്ങളാണ് പ്രദര്‍ശനത്തിലൂടെ ലഭിക്കുന്നത്.
ഇന്ത്യാനയുടെ ആദ്യ പ്രദര്‍ശനത്തിന് മികച്ച പ്രതികരണം ലഭിച്ചാല്‍ വരും വര്‍ഷങ്ങളിലും പ്രദര്‍ശനം നടത്തുന്ന കാര്യം പരിഗണിക്കുമെന്നും അദ്ദേഹം പറഞ്ഞു. ഇന്ത്യയുമായി മികച്ച വാണിജ്യബന്ധമാണുള്ളതെന്ന് ഖത്തര്‍ ചേംബര്‍ ഡയറക്ടര്‍ ജനറല്‍ സാലേഹ് ബിന്‍ ഹമദ് അല്‍ ശര്‍ഖി പറഞ്ഞു. ഇന്ത്യാന പ്രദര്‍ശനത്തിലൂടെ ഇരുരാജ്യങ്ങളും തമ്മിലുള്ള വാണിജ്യ ബന്ധം ശക്തിപ്പെടുത്താന്‍ കഴിയുമെന്ന് ഖത്തര്‍ ചേംബര്‍ ആസ്ഥാനത്ത് നടന്ന പത്ര സമ്മേളനത്തില്‍ ഇന്ത്യന്‍ സ്ഥാനപതി പി. കുമരന്‍ പറഞ്ഞു. ഇതുവരെ ഇരു രാജ്യങ്ങളും തമ്മിലുള്ള ഉഭയകക്ഷി വ്യാപാരം ആയിരം കോടി ഡോളര്‍ ആയതായും സ്ഥാനപതി വെളിപ്പെടുത്തി.
.
https://www.facebook.com/Malayalivartha
