കുടുംബ വിസയില്‍  വിദശത്ത് എത്തുന്ന വനിതകള്‍ക്ക് തൊഴില്‍ വിസയിലേക്കുളള മാറ്റത്തിനാണ് കുവൈത്ത് താമസാനുമതികാര്യ വിഭാഗം പൊതുവകുപ്പ് വിലക്കേര്‍പ്പെടുത്തിയത്. കുടുംബ വിസയില്‍ എത്തിയ സ്ത്രീകള്‍ക്ക് അവരുടെ ഭര്‍ത്താവ് മരിച്ചാല്‍ അവര്‍ക്ക് രാജ്യം വിട്ടുപോകേണ്ടിവരും. അവരുടെ താമസാനുമതി റദ്ദാകും. കുടുംബസമേതം കഴിയുന്ന പ്രവാസി വനിതകളില്‍ ഏറെപ്പേരും കുടുംബവീസയില്‍ കുവൈത്തില്‍ പ്രവേശിച്ചവരാണ്. കുടുംബ വിസയില്‍ലെത്തിയ വനിതകള്‍ക്ക് ജോലി കണ്ടെത്താനുളള അനുമതി ഇതുവരെ കുവൈറ്റില്‍ ഉണ്ടായിരുന്നു. ആ നിയമത്തിനാണ് ഇപ്പോള്‍ മാറ്റം വന്നിരിക്കുന്നത്. 

തൊഴില്‍ വിപണിയിലെ വിദേശി സാന്നിധ്യം കുറയ്ക്കുന്നതിന്റെ ഭാഗമായാണു പുതിയ തീരുമാനമെന്നു കരുതപ്പെടുന്നു. ജോലി ചെയ്യാനുള്ള സാഹചര്യം ലഭ്യമാകില്ലെങ്കില്‍ ഭാര്യമാരെ കുടുംബവിസയില്‍ കൊണ്ടുവരുന്നവരുടെ എണ്ണത്തില്‍ ഇനി കുറവുണ്ടാകും. സ്വകാര്യമേഖലയില്‍ സ്വദേശികളല്ലാത്ത മെഡിസിന്‍, ഡെന്റല്‍, അപ്ലൈഡ് മെഡിക്കല്‍ പ്രഫഷനലുകളുടെയും ഡോക്ടര്‍മാരുടെയും ലൈസന്‍സ് പുതുക്കുന്നതിനുള്ള നിബന്ധനകളില്‍ ഭേദഗതി വരുത്തുമെന്ന് ആരോഗ്യമന്ത്രി ഡോ. ജമാല്‍ അല്‍ ഹര്‍ബി അറിയിച്ചു. ആദ്യത്തെ തൊഴിലുടമയുടെ കീഴില്‍ ഒരുവര്‍ഷം പൂര്‍ത്തിയാക്കിയവര്‍ ബന്ധപ്പെട്ട അധികൃതരില്‍നിന്നു കൂടി അനുമതി നേടണമെന്നു വ്യവസ്ഥ കൊണ്ടുവരും.