ഖത്തറില് നിലവില് വന്ന പുതിയ തൊഴില് നിയമം അനുസരിച്ച് കരാര് തീരുംമുമ്പ് മറ്റ് കമ്പനിയില് ജോലിക്ക് ചേരാം
ഖത്തറില് നിലവില് വന്ന പുതിയ തൊഴില് നിയമം അനുസരിച്ച് കരാര് പൂര്ത്തിയാകും മുമ്പ് തൊഴിലാളിക്ക് ന്യായമായ കാരണങ്ങള് ഉണ്ടെങ്കില് മറ്റ് ഏതെങ്കിലും കമ്പനിയില് ജോലിക്ക് ചേരാവുന്നതാണ്. കരാര് ഒപ്പിടുന്ന കമ്പനികള്ക്ക് തങ്ങളുടെ ജീവനക്കാര് കരാര് കാലാവധി കഴിയുന്നതിന് മുമ്പ് മറ്റ് കമ്പനിയില് ജോലിക്ക് ചേരുന്നത് തടയാനുളള അവകാശം ഉണ്ട്. ഈ സാഹചര്യത്തിലാണ് തൊഴില് മാറ്റവുമായി ബന്ധപ്പെട്ട വിഷയങ്ങളില് ആധികാരികമായ നിലപാട് അറിയിച്ചുകൊണ്ട് തൊഴില് മന്ത്രാലയം രംഗത്തെത്തിയത്. കരാര് ഒപ്പിടുമ്പോള് തന്നെ കരാര് കാലാവധി കഴിയുന്നതിനുമുമ്പ മറ്റ് കമ്പനികളില് ജോലിക് ചേരാന് കഴിയില്ലെന്ന് വ്യവസ്ഥ ചെയ്തിട്ടുണ്ടെങ്കില് ഈ നിയമം അവര്ക്ക് ബാധകമല്ല. കരാറില് ഇക്കാര്യം സൂചിപ്പിച്ചിട്ടില്ലാത്ത തൊഴിലാളികള് പ്രസ്തുത കമ്പനിയില് നിന്ന് വിട്ടുപോയി മറ്റൊരു കമ്പനിയില് ചേര്ന്നാല് മുന് കമ്പനിക്ക് പരാതി ഉന്നയിക്കുന്നതിനുളള അവകാശം ഉണ്ടായിരിക്കില്ല.
പ്രൊജക്റ്റ് വിസയിലത്തെി രാജ്യത്ത് ജോലി ചെയ്യുന്ന വിദേശികള്ക്ക് പ്രൊജക്റ്റ് പൂര്ത്തിയായാല് മറ്റ് കമ്പനികളിലേക്ക് ജോലി മാറാനുള്ള അനുവാദമുണ്ട്. ഇവര്ക്ക് തൊഴില് കരാര് പൂര്ത്തിയായി കഴിഞ്ഞാല് അടുത്ത മൂന്ന് മാസംവരെ മറ്റ് തൊഴില് കരാറിലേക്ക് മാറുന്നതിനുളള സാവകാശം ലഭിക്കും. എന്നാല് ഈ കാലയളവില് തൊഴില് മാറ്റം സംബന്ധമായ മുഴുവന് നടപടി ക്രമങ്ങളും പൂര്ത്തിയാക്കിയിരിക്കണം. നിശ്ചയിച്ച ദിവസം മുതല് ഏഴ് ദിവസത്തിനകം ശമ്പളം ലഭിക്കാതിരുന്നാല് പ്രവാസി ഉദ്യോഗസ്ഥന് തൊഴില് മാറ്റത്തിനുള്ള അവകാശമുണ്ടെന്നും മന്ത്രാലയം വ്യക്തമാക്കിയിട്ടുണ്ട്. ഈ നിര്ണ്ണായക തിരുമാനം ഉടന് നടപ്പാക്കുമെന്നാണ് അധികൃതര് വ്യക്തമാക്കിയിരുന്നത്.
https://www.facebook.com/Malayalivartha