ഒ.രാജഗോപാലിന് നാളെ ഷാര്ജയില് സ്വീകരണം നല്കും
ഇന്ത്യന് പീപ്പിള്സ് ഫോറം (ഐ.പി.എഫ്.) ഷാര്ജ ഘടകത്തിന്റെ നേതൃത്വത്തില് ബി.ജെ.പി. നേതാവ് ഒ. രാജഗോപാലിന് വെള്ളിയാഴ്ച (നാളെ) വൈകീട്ട് ഷാര്ജയില് പൗരസ്വീകരണം നല്കും. വൈകിട്ട് ആറരയ്ക്ക് ഷാര്ജ ഇന്ത്യന് അസോസിയേഷന് കമ്യൂണിറ്റി ഹാളിലാണ് പരിപാടി. അസോസിയേഷന് വൈസ് പ്രസിഡന്ഡ് മാത്യു ജോണ്, മാധ്യമപ്രവര്ത്തകനായ ഐസക് ജോണ്, ഐ.പി.എഫ്. യു.എ.ഇ. പ്രസിഡന്റ് ഭൂപേന്ദ്രകുമാര്, വൈസ് പ്രസിഡന്റ് മണികണ്ഠന് മേലത്ത് തുടങ്ങിയവര് പ്രസംഗിക്കും. കലാപരിപാടികളും അരങ്ങേറും.
നിയമസഭാ സാമാജികനായതിനുശേഷം ഇതാദ്യമായിട്ടാണ് ഒ.രാജഗോപാല് യു.എ.ഇ യിലെത്തുന്നത്. സ്വീകരണ പരിപാടിയില് പ്രധാനമന്ത്രി നരേന്ദ്രമോദി മുന്നോട്ടുവെച്ച ഡിജിറ്റല് ഇന്ത്യ എന്ന വിഷയത്തില് സെമിനാറും നടക്കുമെന്ന് ഐ.പി.എഫ്. ഷാര്ജ പ്രസിഡന്റ് ഗണേഷ് അരമങ്ങാനം പത്രസമ്മേളനത്തില് അറിയിച്ചു. കൂടാതെ പ്രവാസികളുടെ പ്രശ്നങ്ങള് സമഗ്രമായി അവതരിപ്പിച്ചുകൊണ്ടുള്ള നിവേദനം താമസിയാതെ ഡല്ഹിയില് കേന്ദ്രസര്ക്കാറിന് സമര്പ്പിക്കാനുള്ള പ്രവര്ത്തനങ്ങളും ഐ.പി.എഫ്. തുടങ്ങിയിട്ടുണ്ട്.
https://www.facebook.com/Malayalivartha
