ദാര്സൈത്ത് ഇന്ത്യന് സ്കൂളിലെ ഫീസ് വര്ധന പിന്വലിച്ചു
വരുന്ന അധ്യയന വര്ഷത്തില് 22 റിയാലിന്റെ വര്ധന വരുത്താനുളള തീരുമാനം ദാര്സൈത്ത് ഇന്ത്യന് സ്കൂള് പിന്വലിച്ചു. കഴിഞ്ഞ ഫെബ്രുവരിയിലാണ് ഇത് സംബന്ധിച്ച തീരുമാനം എടുത്തിരുന്നത്. പ്രതിമാസം ഫീസ് ഇനത്തില് 1 റിയാലും ബില്ഡിങ് ഫണ്ട് ഇനത്തില് 10 റിയാലും ഈടാക്കാനുളള തീരുമാനത്തിനെതിരെ രക്ഷകര്ത്താക്കള് പ്രതിഷേധിച്ചിരുന്നു. പ്രതിഷേധത്തെ തുടര്ന്ന് ബജറ്റ് പരിശോധിക്കാന് രക്ഷാകര്ത്താക്കളുടെ പ്രതിനിധികള്ക്ക് മാനേജ്മെന്റ് കമ്മിറ്റി അവസരമൊരുക്കിയിരുന്നു. ബജറ്റ് പരിശോധനക്ക് ശേഷം ചെലവുകളില് കുറവു വരുത്തി ഫീസ് വര്ധനക്കുള്ള സാഹചര്യം ഒഴിവാക്കുന്നത് സംബന്ധിച്ച നിര്ദേശങ്ങള് ഇവര് സമര്പ്പിക്കുകയും ചെയ്തു.
ഫീസ് വര്ധിപ്പിക്കുന്നത് ഒഴിവാക്കുന്നതിനായി സ്റ്റാന്ഡ് എഗെന്സ്റ്റ് ഫീസ് ഹൈക്ക് ഇന് ഐ.എസ്.ഡി എന്ന പേരില് സാമൂഹിക മാധ്യമങ്ങളില് രക്ഷാകര്ത്താക്കള് വ്യാപക പ്രചാരണം നടത്തിയിരുന്നു. കാര്ഡ് ഉപയോഗിച്ച് സ്കൂള് ഫീസ് അടക്കാന് സൗകര്യമേര്പ്പെടുത്തണമെന്ന് ഓപണ്ഫോറത്തില് ആവശ്യമുയര്ന്നിരുന്നു. സ്കൂള് ഫീസ് അടക്കുന്നതിനായി കുറഞ്ഞ സര്വിസ് നിരക്കില് ഓണ്ലൈന്, കാര്ഡ് പേയ്മെന്റ് സംവിധാനങ്ങള് ആരംഭിക്കുന്നത് സംബന്ധിച്ച് ഇന്ത്യന് സ്കൂള് ബോര്ഡ് ബാങ്ക് മസ്കത്ത് അധികൃതരുമായി ചര്ച്ച നടക്കുകയാണെന്നും ഇക്കാര്യത്തില് വൈകാതെ തീരുമാനമുണ്ടാകുമെന്നും എസ്.എം.സി സര്ക്കുലറില് അറിയിച്ചു.
https://www.facebook.com/Malayalivartha