വിദേശികളുടെ ചികിത്സാ ഫീസ് വര്ധന ഉടന് നടപ്പാക്കുമെന്ന് ആരോഗ്യമന്ത്രി ഡോ. ജമാല് അല് ഹര്ബി വ്യക്തമാക്കി
വിദേശികളുടെ ചികിത്സാ ഫീസ് വര്ധന ഉടന് നടപ്പാക്കുമെന്ന് ആരോഗ്യമന്ത്രി ഡോ. ജമാല് അല് ഹര്ബി വ്യക്തമാക്കി. കംപ്യൂട്ടര് സംവിധാനവുമായി ബന്ധപ്പെട്ട സാങ്കേതികമായ ചില നടപടിക്രമങ്ങള് പൂര്ത്തിയാക്കിയാല് ഉടന് ഫീസ് വര്ധന നടപ്പിലാകും. വിദേശികള്ക്കുള്ള ചികിത്സാ ഫീസ് വര്ധന എത്രയും പെട്ടെന്നു നടപ്പാക്കണമെന്നു ഖലീല് അല് സാലെ ആവശ്യപ്പെട്ടു. സന്ദര്ശകവീസയില് എത്തുന്നവര്ക്കും ആരോഗ്യ ഇന്ഷുറന്സ് ഏര്പ്പെടുത്തണം.
അംഗീകൃത ഹെല്ത്ത് ഇന്ഷുറന്സ് കമ്പനിയില് പണമടച്ചതിന്റെ രസീത് സഹിതമാകണം സ്പോണ്സര് സന്ദര്ശക വീസയ്ക്ക് അപേക്ഷിക്കേണ്ടത് എന്ന വ്യവസ്ഥ കൊണ്ടുവരണമെന്നും അദ്ദേഹം പറഞ്ഞു. അതേസമയം സര്ക്കാര് പദ്ധതികള്ക്കായുള്ള കരാര് കമ്പനികളില് നിയമിക്കപ്പെട്ട സ്വദേശികളുടെ എണ്ണം സംബന്ധിച്ചു വിവരം നല്കണമെന്നു മാന്പവര് പബ്ലിക് അതോറിറ്റി ബന്ധപ്പെട്ട കമ്പനികളോട് ആവശ്യപ്പെട്ടു. ഓരോ സ്ഥാപനത്തിലും നിശ്ചിതശതമാനം തസ്തിക സ്വദേശികള്ക്കായി സംവരണം ചെയ്തിട്ടുണ്ട്. അത് പ്രാവര്ത്തികമാക്കിയിട്ടുണ്ടോയെന്ന് പരിശോധിക്കുന്നതിന്റെ ഭാഗമായാണ് ഈ നടപടിയെന്നും അതോറിറ്റി വ്യക്തമാക്കി.
https://www.facebook.com/Malayalivartha