കേരളത്തിലേക്ക് ഇന്ഡിഗോ വിമാനസര്വീസ് ആരംഭിക്കുന്നു
ഇന്ത്യയിലെ ഏറ്റവും വലിയ ചെലവ് കുറഞ്ഞ എയര്ലൈനായ ഇന്ഡിഗോ ദോഹയില് നിന്നും കേരളത്തിലെ മൂന്ന് വിമാനത്താവളങ്ങളുള്പ്പെടെ ഇന്ത്യയിലെ ആറ് നഗരങ്ങളിലേക്ക് സര്വീസ് ആരംഭിക്കുമെന്നാണ് റിപ്പോട്ടുകള്. ദോഹയില് നിന്നും വിമാന സര്വീസ് ആരംഭിക്കുന്നതോടെ അന്താരാഷ്ട്ര തലത്തില് ഏഴാമത് സര്വീസിനാണ് ഇന്ഡിഗോ തുടക്കം കുറിക്കുന്നത്. ഗള്ഫ് മേഖലയില് തങ്ങളുടെ സാന്നിദ്ധ്യം വര്ധിപ്പിക്കുന്നതിെന്റ ഭാഗമായാണ് ഇതെന്നാണ് കരുതപ്പെടുന്നത്. സര്വ്വീസ് ആരംഭിക്കുന്നത് എന്ന്മുതലാണെന്ന് കമ്പനി വ്യക്തമാക്കിയിട്ടില്ല. ഏപ്രില് രണ്ടാം വാരം വിമാനസര്വീസ് ആരംഭിക്കുമെന്നാണ് സ്ഥിരീകരിക്കാത്ത റിപ്പോര്ട്ടുകള് സൂചിപ്പിക്കുന്നത്. നേരത്തേ, മാര്ച്ച് 20ന് ഇന്ഡിഗോ ഷാര്ജയില് നിന്നും കോഴിക്കോട്ടേക്ക് പുതിയ വിമാന സര്വീസ് ആരംഭിച്ചിരുന്നു.
തിരുവനന്തപുരത്ത് നിന്നും ഏപ്രില് എട്ടിന് ഷാര്ജയിലേക്ക് സര്വീസ് ആരംഭിക്കാനിരിക്കുകയാണ് ഇന്ഡിഗോ എയര്ലൈന്സ്. 2016ല് ഇന്ത്യന് തലസ്ഥാനമായ ദല്ഹിയില് നിന്നും ദോഹയിലേക്ക് സര്വീസ് ആരംഭിക്കുമെന്ന് ഇന്ഡിഗോ അധികൃതര് പ്രഖ്യാപിച്ചിരുന്നുവെങ്കിലും ആഭ്യന്തര സര്വീസുകള്ക്ക് കമ്പനി മുന്ഗണന നല്കിയതിനാല് സര്വീസ് ആരംഭിക്കാന് സാധിച്ചിരുന്നില്ല. ദോഹയില് നിന്നും ഇന്ത്യയിലേക്ക് എയര് ഇന്ത്യ എക്സ്പ്രസ്, ജെറ്റ് എയര്വേയ്സ് എന്നീ രണ്ട് വിമാന കമ്പനികള് മാത്രമാണ് നിലവില് സര്വീസ് നടത്തുന്നത്. ഇന്ത്യന് വിമാന കമ്പനികളെ സംബന്ധിച്ച് ഏറ്റവും വലിയ വിപണിയാണ് ഗള്ഫ് മേഖല. ഏറ്റവും കൂടുതല് ഇന്ത്യന് പ്രവാസികള് ജോലി ചെയ്യുന്നത് ഗള്ഫ് മേഖലയിലായതിനാലാണിത്. ഈ സെക്ടറില് തന്നെ ബിസിനസ്, ടൂറിസം യാത്രക്കാരുടെ എണ്ണത്തിലും വലിയ വര്ധനവാണ് രേഖപ്പെടുത്തിയിരിക്കുന്നത്. 2016ല് ഏറ്റവും കൂടുതല് ആളുകള് ഗള്ഫ് മേഖലയില് നിന്നും യാത്ര ചെയ്തിരിക്കുന്നത് കൊച്ചി സെക്ടറിലാണ്.
https://www.facebook.com/Malayalivartha