എണ്ണവിലയിടിവു മൂലം സാമ്പത്തിക മാന്ദ്യത്തിലായ ഗള്‍ഫ് രാജ്യങ്ങളിലെ പിരിച്ചുവിടല്‍, ശമ്പളം വെട്ടിക്കുറയ്ക്കല്‍ തുടങ്ങിയ ഭീഷണികളിലാണു പ്രവാസികള്‍. ഇതിനൊപ്പം നാട്ടിലേക്ക് അയയ്ക്കുന്ന പണത്തിനു മൂല്യം കുറയുന്ന അവസ്ഥ കൂടിയായപ്പോള്‍ ആശങ്ക വര്‍ധിച്ചു. ഴിഞ്ഞ നവംബര്‍ 25ന് ഒരു ഡോളറിന് 68.87 വരെയെത്തിയ രൂപ കഴിഞ്ഞ ദിവസം 64.78 വരെയെത്തി. രൂപയ്ക്ക് ഏകദേശം 6.3 ശതമാനത്തിന്റെ മൂല്യവര്‍ധന. നവംബറില്‍ ഒരു റിയാലിന് 18.90 രൂപ ലഭിച്ചിരുന്ന സ്ഥാനത്ത് ഇന്നു ലഭിക്കുന്നത് 17.80 രൂപ മാത്രം. ഒരു റിയാലിന് 1.10 രൂപയുടെ കുറവ്. നാട്ടിലേക്കു പണമയയ്ക്കുമ്പോള്‍ സമാനമായ കുറവ് മറ്റു ഗള്‍ഫ് രാജ്യങ്ങളിലെ പ്രവാസികള്‍ക്കും ഉണ്ടാകുന്നു. ഡാണള്‍ട് ട്രംപിന്റെ വിജയത്തെ തുടര്‍ന്ന് അമേരിക്കന്‍ ഡോളര്‍ കൂടുതല്‍ ശക്തി പ്രാപിക്കുമെന്നു പ്രതീക്ഷിച്ചെങ്കിലും നേരത്തേ തന്നെ ശക്തമായിരുന്നതിനാലും അദ്ദേഹത്തിന്റെ സാമ്പത്തിക നയങ്ങള്‍ക്കു കൂടുതല്‍ വ്യക്തത ഉണ്ടാകാഞ്ഞതിനാലും ഡോളറിനു ശക്തിക്ഷയമാണുണ്ടായത്. 

അമേരിക്കന്‍ ഫെഡറല്‍ റിസര്‍വ് ബാങ്ക് പലിശ ഉയര്‍ത്തിയാല്‍ വന്‍തോതില്‍ നിക്ഷേപം അമേരിക്കയിലേക്ക് ഒഴുകുമെന്നുള്ള ആശങ്ക ഉണ്ടായിരുന്നെങ്കിലും പലിശ ഉയര്‍ത്തുന്നതു സാവകാശമായിരിക്കുമെന്നത് വിപണിക്ക് ആശ്വാസമായി. ീമോണിറ്റൈസേഷന്‍ പോലെയുള്ള സാമ്പത്തിക പരിഷ്‌കാരങ്ങള്‍ ഇന്ത്യയുടെ സാമ്പത്തിക വളര്‍ച്ചാ നിരക്ക് രണ്ടു ശതമാനത്തോളം താഴേക്കടിക്കുമെന്ന് അഭ്യൂഹങ്ങളുണ്ടായിരുന്നെങ്കിലും അതിനെയെല്ലാം അതിജീവിച്ചു സമ്പദ് വ്യവസ്ഥ കൂടുതല്‍ ശക്തമായിക്കൊണ്ടിരിക്കുന്നു. കള്ളപ്പണത്തിനെതിരായ പോരാട്ടം കൂടുതല്‍ ശക്തിപ്പെടുത്തിയാല്‍ ദീര്‍ഘകാലാടിസ്ഥാനത്തില്‍ പ്രയോജനം ചെയ്യും. രു ഇടവേളയ്ക്കുശേഷം കറന്‍സിയുടെ വില വീണ്ടും അതേ ഉയര്‍ന്ന നിലയില്‍ എത്തുകയാണെങ്കില്‍ അതിനെ ഡബിള്‍ ടോപ്പെന്നും വീണ്ടും അതേ താഴ്ന്ന നിലയില്‍ എത്തുമ്പോള്‍ ഡബിള്‍ ബോട്ടമെന്നും ഗ്രാഫ് വിശകലനം ചെയ്യുന്നവര്‍ വിളിക്കുന്നു. അവിടെ നിന്നും വിപരീത ദിശയിലേക്കു കറന്‍സി പോകുകയാണു പതിവ്. 

ഉദാഹരണത്തിന് 2015 ഒക്ടോബര്‍ 16ന് 64.63 ആയിരുന്ന രൂപയുടെ മൂല്യം 2016 ഫെബ്രുവരി 26ന് 68.78ല്‍ എത്തി. വീണ്ടും നവംബര്‍ 25 ന് 68.87ലെത്തിയ മൂല്യം ഇപ്പോള്‍ ഇപ്പോള്‍ 64.79ലെത്തി. 68.78ഉം 68.87ഉം ഡബിള്‍ ടോപ്പെന്നും 64.63ഉം 64.79ഉം ഡബിള്‍ ബോട്ടമെന്നും പറയപ്പെടുന്നു. അതായത് ഇവിടെ നിന്നും രൂപയ്ക്കു മൂല്യശോഷണമുണ്ടാകാനാണു സാധ്യതരൂപ 60 വരെ എത്തിയേക്കുമെന്നു ചില ധനകാര്യവിദഗ്ധര്‍ പ്രവചിക്കുന്നുണ്ടെങ്കിലും കൂടുതല്‍ പ്രായോഗികമായി വിലയിരുത്തുന്നതാണ് ഉചിതം. ഇന്ത്യന്‍ സമ്പദ് വ്യവസ്ഥയ്ക്കനുകൂലമായി ധാരാളം ഘടകങ്ങളുള്ളതിനാല്‍ രൂപയുടെ മൂല്യം വളരെ ശോഷിക്കാന്‍ സാധ്യതയില്ല. അതേസമയം ചുരുങ്ങിയ കാലയളവിനുള്ളില്‍ മൂല്യം ശക്തമായി ഉയര്‍ന്നതിനാല്‍ ഇനിയും മുന്നോട്ടു പോകുകയാണെങ്കില്‍ അതു സാവകാശമായിരിക്കും. 64–66 പരിധിയില്‍ ഏതാനും മാസം വ്യാപാരം നടന്നതിനു ശേഷം രൂപയുടെ മൂല്യം ശോഷിച്ച് 67നു മുകളിലെത്താന്‍ സാധ്യതയുണ്ട്.