കാനഡയില് നിന്നു കാലിഫോര്ണിയയ്ക്കു പോയ ട്രക്ക് ടെക്സസില് അപകടത്തില്പ്പെട്ടു കത്തി രണ്ടു മലയാളികള് മരിച്ചു
ടൊറന്റോ: കാനഡയില്നിന്നു കാലിഫോര്ണിയയ്ക്കു പോയ ട്രക്ക് അപകടത്തില്പ്പെട്ടു കത്തി രണ്ടു മലയാളികള് മരിച്ചതായി വിവരം ലഭിച്ചു. ആറന്മുള സ്വദേശി ശ്രീജു(35), കൊച്ചി സ്വദേശി തോമസ്(45) എന്നിവരാണ് മരിച്ചത്.
കാനഡയിലെ ടൊറന്റോയില്നിന്നു പച്ചക്കറിയുമായി കാലിഫോര്ണിയയ്ക്കു പോയ വോള്വോ 780 മോഡല് ട്രക്കാണ് മടക്കയാത്രയില് യുഎസിലെ ടെക്സസില് വച്ച് അപകടത്തില്പ്പെട്ടത്.
നിയന്ത്രണം വിട്ട ട്രക്ക് മീഡിയനില് ഇടിച്ചുകയറി അപ്പുറത്തെ റോഡും കടന്ന് മരത്തിലിടിക്കുകയും പിന്നീട് കത്തുകയുമായിരുന്നു. ട്രക്കിന്റെ മുന്വശത്തെ കാബിന് കത്തിയാണ് അതിലുണ്ടായിരുന്ന മലയാളികള് മരിച്ചത്.
ടൊറന്റോയിലെ ന്യൂ മാര്ക്കറ്റില് താമസിക്കുന്ന തോമസ് ഫിസിയോതെറാപ്പിസ്റ്റാണ്. ലൈസന്സ് കിട്ടാന് വൈകിയതിനാലാണ് തോമസ് ട്രക്ക് ബിസിനസിലേക്കു കടന്നത്. മസ്കറ്റില് ഐടി മേഖലയില് ജോലി ചെയ്തിരുന്ന ശ്രീജു ടൊറന്റോയ്ക്കടുത്ത ഒന്റാരിയോ ലണ്ടനിലാണു താമസം. കുഞ്ഞിനെ നാട്ടില് വിട്ട ശേഷം ശ്രീജുവിന്റെ ഭാര്യ ഇന്നലെയാണ് നാട്ടില്നിന്നു കാനഡയില് മടങ്ങിയെത്തിയത്.
https://www.facebook.com/Malayalivartha