അബുദാബി: ഇപ്പോള്‍ യു.എസില്‍ ഉന്നതപഠനം നടത്തുന്ന, ദുബായിലെ സ്വകാര്യ ആസ്​പത്രിയിലെ ശിശുരോഗവിദഗ്ധ ഡോ. നിഷിത രാധാകൃഷ്ണപിള്ളയ്ക്കാണ് ഭാഗ്യനേട്ടം.അബുദാബി എയര്‍പോര്‍ട്ട് ഡ്യൂട്ടി ഫ്രീയുടെ ബിഗ് ടിക്കറ്റ് ഒന്നാംസമ്മാനമായ പത്തുദശലക്ഷം ദിര്‍ഹം (18 കോടിയോളം രൂപ) വീണ്ടും മലയാളിക്ക്.
ഭാഗ്യം വന്നാൽ ഇങ്ങനെ തന്നെ വരണം. യൂ എ ഇ ലായതുകൊണ്ട് ടാക്സിനെ കുറിച്ചും അധികം പേടിക്കേണ്ട. അടിച്ചു അച്ഛാ ഒന്നാം സമ്മാനം എന്ന വിവരം സംഘാടകര്‍ നിഷിതയുടെ അച്ഛനെയാണ് വിളിച്ചറിയിച്ചത്.
കഴിഞ്ഞവര്‍ഷം പകുതിയോടെ സ്‌കോളര്‍ഷിപ്പ് ലഭിച്ച് യു.എസിലെ ടെക്‌സസിലേക്ക് പോയതാണ് നിഷിതയും റേഡിയോളജിസ്റ്റായ ഭര്‍ത്താവും രണ്ടു മക്കളും. ഓണ്‍ലൈന്‍വഴി ഭാര്യയുടെപേരില്‍ ഭര്‍ത്താവ് ബിഗ് ടിക്കറ്റ് മുടങ്ങാതെ എടുത്തിരുന്നു. അങ്ങനെയാണ് ബിഗ് ടിക്കറ്റ് സീരീസ് 178-ലെ 058390 നമ്പറിലൂടെ നിഷിതയെ ഒന്നാംസമ്മാനം തേടിയെത്തിയത്. മലപ്പുറം സ്വദേശിയായ ഇവര്‍ മലപ്പുറത്ത് ഡോക്ടറായ അച്ഛന്‍ രാധാകൃഷ്ണപിള്ളയുടെ മൊബൈല്‍ഫോണ്‍ നമ്പറാണ് ടിക്കറ്റില്‍ നല്‍കിയിരുന്നത്.
കഴിഞ്ഞ മാസമാണ് അബുദാബി എയര്‍പോര്‍ട്ട് ഏഴുദശലക്ഷം ദിര്‍ഹത്തിന്റെ (ഏകദേശം 12.39 കോടി രൂപ) ബിഗ് ടിക്കറ്റ് തൃശ്ശൂര്‍ വരന്തരപ്പള്ളി സ്വദേശി ശ്രീരാജ് കൃഷ്ണന്‍ കൊപ്പറമ്പിലിനെ തേടിയെത്തിയത്.
ഇത്തവണത്തെ ബിഗ് ടിക്കറ്റില്‍ പത്തു സമ്മാനങ്ങളില്‍ എട്ടെണ്ണവും ലഭിച്ചിരിക്കുന്നത് ഇന്ത്യക്കാര്‍ക്കാണ്. നാലാംസമ്മാനമായ 80,000 ദിര്‍ഹത്തിന് യു.എസ്. പൗരനും ഏഴാം സമ്മാനമായ 30,000 ദിര്‍ഹത്തിന് ബംഗ്ലാദേശിയും അര്‍ഹരായി.