പൊതുമാപ്പ് പ്രയോജനപ്പെടുത്തി നാട്ടിലേക്ക് മടങ്ങുന്ന ഇന്ത്യക്കാര്ക്ക് എയര് ഇന്ത്യയുടെ സഹായം
പൊതുമാപ്പ് ഉപയോഗപ്രദമാക്കാന് ഇന്ത്യന് നയതന്ത്ര കാര്യാലയം നടത്തുന്ന ശ്രമങ്ങളില് എയര് ഇന്ത്യയും കൈകോര്ക്കുന്നത്തിന്റെ ഭാഗമായാണ് ടിക്കറ്റ് നിരക്കില് ഇളവ് പ്രഖ്യാപിച്ചതെന്ന് എയര് ഇന്ത്യ റിയാദ് റീജനല് മാനേജര് കുന്ദന് ലാല് ഗൊത്തുവാള് അറിയിച്ചു. ഇന്ത്യയിലെ അഞ്ച് പ്രധാന സെക്ടറുകളിലേക്കുള്ള ടിക്കറ്റ് നിരക്കിലാണ് വന് ഇളവ് പ്രഖ്യാപിച്ചിരിക്കുന്നത്. റിയാദ്, ജിദ്ദ, ദമാം എന്നീ സൗദിയിലെ എല്ലാ പ്രധാന വിമാനത്താവളങ്ങളില് നിന്നും ഡല്ഹി, മുംബൈ, ഹൈദരാബാദ് , കൊച്ചി, തിരുവനന്തപുരം എന്നിവിടങ്ങളിലേക്കാണ് പ്രത്യേക ആനുകൂല്യം.
ഡല്ഹിയിലേക്ക് മാത്രം 659 റിയാലും ബാക്കി എല്ലായിടങ്ങളിലേക്കും 595 റിയാലുമാണ് നിരക്ക്. 500 റിയാലാണ് യഥാര്ഥ കൂലി. ബാക്കി നികുതിയാണ്. ഡല്ഹിയിലേക്ക് മാത്രം 159 റിയാലാണ് നികുതി. ബാക്കി കേന്ദ്രങ്ങളിലേക്ക് 95 റിയാലും. ബുധനാഴ്ച മുതല് ഇളവ് പ്രാബല്യത്തില് വരും. പൊതുമാപ്പ് അവസാനിക്കുന്നതിന് തൊട്ടടുത്ത ദിവസമായ ജൂണ് 27 വരെ നിരക്കിളവ് നീണ്ടുനില്ക്കും. ഔട്ട് പാസോ അല്ലെങ്കില് പൊതുമാപ്പ് ആനുകൂല്യത്തില് പോകുന്നയാളാണെന്ന് തെളിയിക്കുന്ന രേഖയോ ഹാജരാക്കണം.
https://www.facebook.com/Malayalivartha