കേരള ഗള്ഫ് സോക്കര് നാളെ അബുദാബിയില് നടക്കും
കേരള ഗള്ഫ് സോക്കര് വെള്ളിയാഴ്ച ഉച്ചയ്ക്ക് മൂന്നുമുതല് സായിദ് സ്പോര്ട്സ് സിറ്റിയില് നടക്കും. കോഴിക്കോട്, തൃശ്ശൂര്, കണ്ണൂര്, മലപ്പുറം, പാലക്കാട്, കാസര്കോട് ജില്ലകളെ പ്രതിനിധാനംചെയ്തുള്ള ടീമുകള് അണിനിരക്കും. കോഴിക്കോട് ചലഞ്ചേഴ്സിനെ ഐ.എം. വിജയന്, തൃശ്ശൂര് വാരിയേഴ്സിനെ ആസിഫ് സഹീര്, കണ്ണൂര് ഫൈറ്റേഴ്സിനെ യു. ഷറഫലി, മലപ്പുറം സുല്ത്താന്സിനെ ജോ പോള് അഞ്ചേരി, പാലക്കാട് കിക്കേഴ്സിനെ വി.പി. ഷാജി, കാസര്കോട് െ്രെടക്കേഴ്സിനെ മുഹമ്മദ് റഫി എന്നിവര് നയിക്കും.
ഏഴുപേരടങ്ങുന്ന ടീമുകളാക്കി 20 മിനിറ്റാണ് മത്സരം. ആദ്യമത്സരം നിലവിലെ ചാമ്പ്യന്മാരായ കണ്ണൂര് ഫൈറ്റേഴ്സും പാലക്കാട് കിക്കേഴ്സും തമ്മിലാണ്. മത്സരങ്ങള്ക്കുമുന്പ് താരങ്ങള് അണിനിരക്കുന്ന മാര്ച്ച് പാസ്റ്റ് നടക്കും. രാത്രി പത്തുമണിയോടെ ഫൈനല്മത്സരം നടക്കും. പ്രവേശനം സൗജന്യമാണ്. ചാമ്പ്യന്മാര്ക്ക് 10,000 ദിര്ഹവും റണ്ണേഴ്സപ്പിന് 5000 ദിര്ഹവും ട്രോഫികളുമാണ് സമ്മാനം.
ഫുട്ബോള്താരങ്ങളായ ഐ.എം. വിജയന്, ജോ പോള് അഞ്ചേരി, യു. ഷറഫലി, മുഹമ്മദ് റഫി, സ്പോര്ട്സ് ലേഖകന് കമാല് വരദൂര്, കെ.എം.സി.സി. പ്രസിഡന്റ് നസീര് ബി. മാട്ടൂല്, ജനറല് സെക്രട്ടറി ശുക്കൂര് അലി കല്ലുങ്ങല്, സംസ്ഥാന ട്രഷറര് യു. അബ്ദുല്ല ഫാറൂഖി, ട്രഷറര് സി. സമീര്, അഹല്യ ഹോസ്?പിറ്റല് പ്രതിനിധി സൂരജ് എന്നിവര് പങ്കെടുത്തു.
https://www.facebook.com/Malayalivartha
