അന്നയെ തനിച്ചാക്കി അമ്മ പോയി....
മൂന്നുവര്ഷത്തെ മകളുടെ പരിചരണം ഏറ്റുവാങ്ങി അന്നയെ തനിച്ചാക്കി അമ്മ യാത്രയായി. അന്നയ്ക്കിനി അച്ഛനും അമ്മയെക്കുറിച്ചുള്ള നൊമ്ബരമുണര്ത്തുന്ന ഓര്മകളും മാത്രമാണ് കൂട്ട്. അരയ്ക്ക് താഴെ തളര്ന്ന കൊല്ലം പുനലൂര് സ്വദേശി രാധാ സുരേഷ് കുമാര്(51) ആണ് ഇന്ന് രാവിലെ മരിച്ചത്. മൂന്ന് വര്ഷമായി അന്നയാണ് രാധയെ പരിചരിച്ചിരുന്നത്. രാവിലെ ഷാര്ജ യര്മൂഖിലെ താമസ സ്ഥലത്ത് കുഴഞ്ഞുവീണ രാധയെ ഉടന് ആശുപത്രിയില് എത്തിച്ചെങ്കിലും രക്ഷിക്കാനായില്ല.
ഇലക്ട്രീഷ്യനായ സുരേഷ് കുമാറും കുടുംബവും പതിനൊന്ന് വര്ഷമായി ഒമാനിലായിരുന്നു താമസം. അവിടെ സ്വന്തമായി നടത്തിയിരുന്ന ബിസിനസ് പൊളിഞ്ഞതിനെ തുടര്ന്ന് വാസുദേവന് എന്നയാളുടെ സഹായത്തോടെ സന്ദര്ശക വീസയില് യുഎഇയിലേയ്ക്ക് എത്തുകയും ചെയ്തു. എന്നാല് വാസുദേവന് സുരേഷിന്റെയും രാധയുടെയും പാസ്പോര്ട്ടുമായി മുങ്ങി. തുടര്ന്ന് യുഎഇ വീസ എടുക്കാനും സാധിച്ചില്ല.
രാധ കിടപ്പിലായതോടെ നാട്ടിലേയ്ക്ക് മടങ്ങാനുള്ള ശ്രമത്തിന്റെ ഭാഗമായി കഴിഞ്ഞ വര്ഷം ഔട്ട്പാസ് എടുത്തിരുന്നു. എന്നാല് അന്നയ്ക്ക് ഔട്ട്പാസ് കിട്ടാതായതോടെ അതും മുടങ്ങി.
എന്നാല് പിന്നീട് രാധ കിടപ്പിലായി. ഇലക്ട്രീഷ്യനായ സുരേഷ് കുമാര് രോഗിയായ ഭാര്യയെയും മകളെയും വിട്ട് കൃത്യമായി ജോലിക്ക് പോകാനാവാതെ വലഞ്ഞു. അവധി എടുക്കാന് തുടങ്ങിയതോടെ ജോലിയും നഷ്ടപ്പെട്ടു. അജ്മാനിലെ സ്വകാര്യ സ്കൂളില് നാലാം ക്ലാസ് വിദ്യാര്ഥിനിയായ എട്ട് വയസ്സുകാരി അന്നയാണ് കഴിഞ്ഞ മൂന്ന് വര്ഷമായി രോഗിയായ അമ്മയെ പരിചരിച്ചിരുന്നത്. കുവൈത്ത് ആശുപത്രി മോര്ച്ചറിയിലുള്ള മൃതദേഹം നടപടികള് പൂര്ത്തിയാക്കി നാളെ വൈകിട്ട് നാട്ടിലേക്ക് കൊണ്ടുവരുമെന്നാണ് സൂചന.
https://www.facebook.com/Malayalivartha