ഉപേക്ഷിക്കപ്പെട്ട നായയോടൊപ്പം അതിനിഷ്ടപ്പെട്ടവയെല്ലാം നിറച്ച സ്യട്ട്കേസ് കൂടി!
വീട്ടില് ഓമനിച്ചു വളര്ത്തിയിരുന്ന നായകളെ തങ്ങള്ക്കു വേണ്ടാതാകുമ്പോള് തെരുവില് ഉപേക്ഷിക്കുന്നത് നമ്മുടെ നാട്ടില് പുതുമയുള്ള വാര്ത്തയല്ല. എന്നാല് അങ്ങനെ ഉപേക്ഷിക്കപ്പെടുന്ന നായയോടൊപ്പം അതിനിഷ്ടപ്പെട്ട ഭക്ഷണവും അതിന്റെ കളിപ്പാട്ടങ്ങളും, തലയിണയും ഉള്ള ഒരു സ്യട്ട്കേസ് കൂടി വെച്ചാലോ?
സ്കോട്ട്ലാന്റിലെ ഒരു റെയില്വേസ്റ്റേഷനിലാണ് ഇത്തരത്തില് ഉപേക്ഷിക്കപ്പെട്ട ഒരു നായയെ കണ്ടത്. നായയെ ഉപേക്ഷിക്കുന്നത് സ്കോട്ട് ലാന്റ് ആക്ട് 2006 പ്രകാരം കുറ്റകരമായ പ്രവര്ത്തിയാണ്. പിഴയൊടുക്കുന്നതു മുതല് മൃഗങ്ങളെ വളര്ത്തുന്നതിനുള്ള ലൈസന്സ് ജീവിതകാലം മുഴുവന് വിലക്കുന്നതുവരെയുള്ള ശിക്ഷ ലഭിക്കാവുന്ന കുറ്റമാണിത്.
മൈക്രോ ചിപ്പ്ഡ് നായ ആയിരുന്നതിനാല് തങ്ങള്ക്ക് ഇതിന്റെ മുന് ഉടമസ്ഥനെ വളരെ വേഗം കണ്ടു പിടിക്കാന് കഴിഞ്ഞുവെന്ന് സ്കോട്ട്ലാന്റില് മൃഗങ്ങളോടുള്ള ക്രൂരതക്കെതിരേ പ്രവര്ത്തിക്കുന്ന സംഘടനയായ എസ് പി സി എ പറഞ്ഞു. എന്നാല് ഒരു വെബ്സൈറ്റിലൂടെ 2013 ല് തന്നെ അതിനെ മറ്റൊരാള്ക്കു വിറ്റിരുന്നുവെന്നാണ് അവര് അറിയിച്ചതത്രേ. എന്നാല് അവരുടെ കൈയ്യില് നിന്ന് നായയെ വാങ്ങിയ ആളെക്കുറിച്ച് തങ്ങള്ക്ക് കൃത്യമായ വിവരം ലഭിച്ചിട്ടില്ലെന്നും അവര് കൂട്ടിച്ചേര്ത്തു.
മൈക്രോചിപ്പില് നിന്നും ലഭ്യമായ വിവരങ്ങളനുസരിച്ച് കയ് എന്നാണ് നായയുടെ പേരെന്ന് അധികൃതര് മനസ്സിലാക്കിയിട്ടുണ്ട്. ഷാര്-പെയ് ക്രോസ്ബ്രീഡ് ഇനത്തില്പ്പെടുന്ന നായ വളരെ നന്നായി പെരുമാറുന്നുവെന്നാണ് അധികൃതര് പറയുന്നത്.
റെയില്വേസ്റ്റേഷനില് ഉപേക്ഷിക്കപ്പെട്ട നായയെ കുറിച്ച് വാര്ത്ത വന്നതിനെത്തുടര്ന്ന് നൂറു കണക്കിനാളുകളാണ് കയ് എന്ന നായയെ ഏറ്റെടുക്കാന് സന്നദ്ധരായി മുന്നോട്ടു വന്നിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha