ഒരു കൂട്ടം പക്ഷി കുഞ്ഞുങ്ങള്‍ ഹിപ്പോ കുഞ്ഞിന്റെ പുറത്തേക്ക് പറന്നിറങ്ങിയപ്പോള്‍ അവനൊന്നു പേടിച്ചു പോയി.  ഈ പക്ഷി കൂട്ടങ്ങള്‍ എന്നെ എന്തെങ്കിലും ചെയുമോ എന്ന് ഹിപ്പോകുഞ്ഞ് സ്വന്തമായി ഒന്ന് ആലോചിച്ചു.  അപ്രതീക്ഷിതമായുള്ള വരവായിരുന്നില്ലെ ആ പക്ഷികൂട്ടങ്ങളുടെത്.  സാംബിയയിലെ സൗത്ത് ലുവാങ്വവ നാഷണല്‍ പാര്‍ക്കിലാണ് ഇത്തരമൊരു അസാധാരണമായ സംഭവം ഉണ്ടായത്.  ഹിപ്പോകുഞ്ഞ് പോലും വിചാരിച്ചു കാണില്ല പക്ഷി കൂട്ടങ്ങള്‍ പറന്നിറങ്ങിയ ആ നിമിഷങ്ങള്‍ പകര്‍ത്താന്‍ അടുത്തൊരു ഫോട്ടോഗ്രാഫര്‍ ഉണ്ടായിരുന്നു എന്ന്.
കരഞ്ഞു വിളിച്ചും ശരീരം കുലുക്കിയും പക്ഷികളെ ഓടിക്കാന്‍ ശ്രമിക്കുന്ന വിരണ്ട ഹിപ്പോ കുഞ്ഞിന്റെ ചിത്രം പകര്‍ത്തിയത് മാര്‍ക്‌മോള്‍ എന്ന ഫോട്ടോഗ്രാഫറാണ്.  പൊതുവെ, മൃഗങ്ങളുടെ ശരീരത്തിലെ പ്രാണികളെയും പുഴുക്കളെയും തിന്നാന്‍ പക്ഷികള്‍ എത്താറുണ്ട്. അതൊടൊപ്പം തന്നെ മൃഗങ്ങളുടെ അസ്വസ്ഥത മാറാനും പക്ഷികളുടെ വിശപ്പ് മാറാനും ഉപകരിക്കുന്ന ഈ പ്രവൃത്തി രണ്ടുകൂട്ടര്‍ക്കും വളരെയധികം ഇഷ്ടവുമാണ്.  പിന്നെ എന്ത് കൊണ്ടാണ് ഹിപ്പോ കുഞ്ഞ് ഇത്തരത്തില്‍ ബഹളം വയ്ക്കുന്നു എന്ന് തനിക്ക് മനസിലാകുന്നില്ല എന്ന് ഫോട്ടോഗ്രാഫര്‍ പറയുന്നു.  ഹിപ്പോ കുഞ്ഞിന്റെ ശരീരത്തില്‍ പക്ഷിക്കൂട്ടം ഇരിപ്പുറപ്പിച്ചതു മുതല്‍ പേടിച്ചു വിരണ്ട ആ ഹിപ്പോ ഉടന്‍ തന്നെ വെള്ളത്തില്‍ കിടക്കുന്ന അമ്മയെ തേടി ഓടി പോവുകയാണ് ചെയ്തതു. ഇത്തരത്തിലൊരു അനുഭവം തനിക്ക് ആദ്യമായാണെന്നും മാര്‍ക്‌മോള്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha