വെറും 2.99 പൗണ്ട് (4.65 ഡോളര്‍) വിലമതിക്കുന്ന ഒരു മൊബൈല്‍ ആപ്ലിക്കേഷന്‍ ബ്രിട്ടന്‍കാര്‍ ഏറെ വിലമതിക്കുന്ന ഒരു ജീവന്‍ ഇല്ലാതാക്കാന്‍ കാരണമായേക്കാം എന്നാണ് ബ്രിട്ടനിലെ ഏറ്റവും പുതിയ ഭീതി. നിലവില്‍ എയര്‍ ആംബുലന്‍സ് സര്‍വീസിന്റെ ഭാഗമായി പൈലറ്റായി സേവനമനുഷ്ഠിക്കുന്ന വില്യം രാജകുമാരന്റെ ജീവന്‍ കവരാന്‍ പോലും ഒരുപക്ഷേ ഈ ആപ്‌സ് കാരണമായേക്കുമെന്ന് തെളിവ് സഹിതമാണ് മാധ്യമം ചൂണ്ടിക്കാണിക്കുന്നത്.

കിഴക്കന്‍ ബ്രിട്ടണിലെ ഈസ്റ്റ് ആംഗ്ളിയന്‍ എയര്‍ ആംബുലന്‍സില്‍ പൈലറ്റായി പ്രവര്‍ത്തിക്കുന്ന വില്യം രാജകുമാരന്റെ നീക്കങ്ങള്‍ എല്ലാം കൃത്യമായി ഈ ആപ്പ്‌സിലൂടെ അറിയാന്‍ കഴിയും. ആംബുലന്‍സിന്റെ സേവനങ്ങള്‍ ഉപഭോക്താവിന് എളുപ്പത്തില്‍ പ്രയോജനപ്പെടുത്തുക എന്ന ലക്ഷ്യത്തോടെയാണ് ആപ്‌സ് പ്രവര്‍ത്തിക്കുന്നത്. അതിനാല്‍ വില്യം രാജകുമാരന്‍ എപ്പോള്‍ വിമാനത്തില്‍ കയറും, നിലവില്‍ വിമാനം എവിടെയാണ്, എവിടെയാണ് വിമാനം ഇറങ്ങാന്‍ ഉദ്ദേശിക്കുന്നത് തുടങ്ങി വ്യക്തമായ വിവരങ്ങള്‍ ആപ്‌സില്‍ ലഭ്യമാണെന്ന് ഒരു ബ്രിട്ടീഷ് പത്രം ചൂണ്ടിക്കാണിക്കുന്നു. വിമാനത്തിനൊപ്പം വില്യം രാജകുമാരന്‍ ജോലിയില്‍ ഏര്‍പ്പെടുന്നതിന്റെ ചിത്രങ്ങള്‍ ഉള്‍പ്പെടെ പ്രസിദ്ധീകരിച്ചാണ് പത്രം ഈ കാര്യങ്ങള്‍ ചൂണ്ടിക്കാണിച്ചത്.

തീവ്രവാദ സംഘടനകളില്‍നിന്നു രാജകുടുംബാംഗങ്ങള്‍ക്ക് സുരക്ഷാ ഭീഷണി നേരിടുന്നതിനാല്‍ സൈനിക സേവന കാലത്തുപോലും വില്യം രാജകുമാരന്‍ സേവനമനുഷ്ഠിക്കുന്നത് എവിടെയെന്ന് സര്‍ക്കാര്‍ വ്യക്തമാക്കിയിരുന്നില്ലെന്നും എന്നാല്‍ ഇപ്പോള്‍ നാലു ഡോളര്‍ വിലമതിക്കുന്ന ഒരു മൊബൈല്‍ ആപ്‌സിലൂടെ തീവ്രവാദികള്‍ക്ക് രാജകുമാരനെ എളുപ്പത്തില്‍ കണ്ടെത്താന്‍ സാധിക്കുമെന്നത് വ്യക്തമാണെന്ന് പത്രം ഓര്‍മിപ്പിക്കുന്നു. എന്നാല്‍ വിഷയത്തില്‍ പ്രതികരിക്കാന്‍ പോലീസോ ഉയര്‍ന്ന ഉദ്യോഗസ്ഥരോ ഇതുവരെ തയ്യാറായിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha