ഡല്‍ഹി ഇമാമിന്റെ മകന്റെ വധു ഹിന്ദു മതത്തില്‍ നിന്നും ഇസ്ലാം മതം സ്വീകരിച്ച യുവതി; വിവാഹം നവംബര്‍ പതിമൂന്നിന്
ഡല്‍ഹി ഇമാമിന്റെ മകന്‍ ഹിന്ദുയുവതിയെ വിവാഹം കഴിയ്ക്കുന്നതായി റിപ്പോര്‍ട്ടുകള്‍. പ്രണയവിവാഹമാണ്. ഒരു ദേശീയ വാര്‍ത്താ മാധ്യമമാണ് ഇക്കാര്യം ആദ്യം റിപ്പോര്‍ട്ട് ചെയ്തിരിയ്ക്കുന്നത്.
ഈമാം സാഹി ഇമാം സയ്ദ് അഹമ്മദ് ബുഖാരിയുടെ മകന്‍ ഷബാന്‍ ബുഖാരിക്ക് ആണ് ഹിന്ദു യുവതി വധുവാകുന്നത്. ഗാസിയാബാദില്‍ നിന്നുള്ള ഇരുപതുകാരിയാണ് ഷബാന്റെ ജീവിതസഖിയാകുന്നത്. പെണ്‍കുട്ടിയുടെ പേര് വെളിപ്പെടുത്തിയിട്ടില്ല.
വിവാഹത്തിന് മുന്നോടിയായി പെണ്‍കുട്ടി ഇസ്ലാം മതം സ്വീകരിച്ചതായിട്ടാണ് റിപ്പോര്‍ട്ടുകള്‍ പറയുന്നത്. പെണ്‍കുട്ടി ഖുറാന്‍ പഠനം ആരംഭിച്ചതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. നവംബര്‍ പതിമൂന്നിനാണ് വിവാഹം. ആദ്യം വിവാഹത്തെ എതിര്‍ത്തെങ്കിലും പെണ്‍കുട്ടി ഇസ്ലാം മതം സ്വീകരിക്കാന്‍ തയ്യാറായതോടെ ഡല്‍ഹി ഇമാം വിവാഹത്തിന് സമ്മതിക്കുകയായിരുന്നുവെന്ന് പറയപ്പെടുന്നു.
അമിറ്റി സര്‍വകലാശാലയില്‍ നിന്ന് സോഷ്യല്‍ വര്‍ക്കില്‍ ബിരുദധാരിയായ ഷബാന്‍ ബുഖാരി കഴിഞ്ഞ വര്‍ഷം ഇമാമായി അഭിഷിക്തനായിരുന്നു. തന്റെ പിതാവിന്റെ പിന്‍ഗാമിയായി രാജ്യത്തെ ഏറ്റവും വലിയ മോസ്‌കിന്റെ പിന്തുടര്‍ച്ചാവകാശിയാണ് ഷബാന്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivarthahttps://www.facebook.com/Malayalivartha
