ഒരു രാത്രി കൂടെക്കഴിഞ്ഞാല്‍ യൂണിവേഴ്‌സിറ്റിയിലെ മികച്ച വിദ്യാര്‍ഥിനിയാക്കാമെന്നും കൂടുതല്‍ മാര്‍ക്കുതരാമെന്നും വാഗ്ദാനം ചെയ്ത പ്രൊഫസര്‍ വിവാദത്തില്‍. ഉത്തര്‍ പ്രദേശിലെ ഗ്രേറ്റര്‍ നോയിഡ ഗൗതം ബുദ്ധ യൂണിവേഴ്‌സിറ്റിയിലെ അധ്യാപകനാണ് വിദ്യാര്‍ഥിനിയെ ലൈംഗിക ബന്ധത്തിനായി ക്ഷണിച്ചത്. ആദ്യ വര്‍ഷ ഇലക്ടോണിക് വിദ്യാര്‍ഥിനിയാണ് പെണ്‍കുട്ടി. പ്രൊഫസറുടെ മോശം പെരുമാറ്റത്തെത്തുടര്‍ന്ന് അധ്യാപിക യൂണിവേഴ്‌സിറ്റി അധികൃതര്‍ക്ക് പരാതി നല്‍കി. സംഭവം മറ്റു വിദ്യാര്‍ഥികളും അറിഞ്ഞതോടെ യൂണിവേഴ്‌സിറ്റി പരിസരത്ത് പ്രതിഷേധങ്ങളും സംഘടിപ്പിക്കപ്പെട്ടു. വിഷയത്തില്‍ അധികൃതര്‍ ഇതുവരെ പ്രതികരിച്ചിട്ടില്ല.വിദ്യാര്‍ഥിനിയുമായി അടുപ്പം കാട്ടിയ അധ്യാപകന്‍ ശാരീരികമായ വിട്ടുവീഴ്ച ചെയ്യാന്‍ ആവശ്യപ്പെടുകയായിരുന്നു. ഒരു രാത്രി തനിക്കൊപ്പം കഴിഞ്ഞാല്‍ യൂണിവേഴ്‌സിറ്റിയെ ടോപ് ഗ്രേഡ് സ്റ്റുഡന്റ് ആക്കാമെന്ന് വാഗ്ദാനം ചെയ്യുകയും ചെയ്തു. തന്നോട് സഹകരിച്ചാല്‍ കരിയര്‍ സുരക്ഷിതമാക്കാമെന്നായിരുന്നു അധ്യാപകന്റെ മറ്റൊരു വാഗ്ദാനം.ഇതേത്തുടര്‍ന്ന് വൈസ് ചാന്‍സലറുടെ ഓഫീസിന് പുറത്ത് വിദ്യാര്‍ഥികള്‍ വലിയതോതിലുള്ള പ്രതിഷേധം സംഘടിപ്പിച്ചു. അധ്യാപകനെതിരെ എത്രയും പെട്ടെന്ന് നടപടിവേണമെന്നാണ് പ്രതിഷേധക്കാരുടെ ആവശ്യം. പരാതി പോലീസ് കൈമാറാനും വിദ്യാര്‍ഥികള്‍ ആവശ്യപ്പെട്ടിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha