ഡല്‍ഹിയിലെ ഒരു ആശുപത്രിയില്‍ ചികിത്സ തേടിയെത്തിയ യുവാവിന്റെ രോഗാവസ്ഥയെക്കുറിച്ചുള്ള വിവരങ്ങള്‍ ബ്രിട്ടീഷ് മെഡിക്കല്‍ ജേണലായ, ബി.എം.ജെ കേസ് റിപ്പോര്‍ട്ട്‌സില്‍ അടുത്തിടെ പ്രസിദ്ധപ്പെടുത്തിയത് പലരുടേയും ശ്രദ്ധയ്ക്കു പാത്രമായി.

ഡല്‍ഹി ആശുപത്രിയിലെ ഡോ. അനുരാഗ് ചഹല്‍, ഡോ. സാഹില്‍ ഗുപ്ത, ഡോ. ചന്ദന്‍ദാസ് എന്നിവരുടെ നേതൃത്വത്തിലാണ് 32- കാരനായ യുവാവിനെ ചികിത്സിച്ചത്. ലൈംഗിക ബന്ധത്തിലേര്‍പ്പെട്ടിരിക്കവേ എന്തോ പൊട്ടുന്നതുപോലുള്ള ഒരു ശബ്ദം കേട്ടുവെന്നും, തുടര്‍ന്ന് അസഹനീയമായ വേദന ആരംഭിച്ചുവെന്നും, നീരുകൊണ്ടു വീര്‍ത്ത ലൈംഗികാവയവം മധ്യഭാഗത്തുവച്ച് താഴേക്ക് വളഞ്ഞുപോകുകയും ചെയ്തുവന്നെും പറഞ്ഞാണ്്്് ആശുപത്രിയിലെത്തിയത്.

എഗ്ഗ്പ്ലാന്റ് ഡിഫോര്‍മിറ്റി എന്നാണ് ലിംഗത്തിനുണ്ടാകുന്ന ഈ പരുക്കിനു പറയുന്ന പേര്. എഗ്ഗ്പ്ലാന്റ് എന്നുപറയുന്നത് കത്തിരിക്ക-യെയാണ്. പുരുഷജനനേന്ദ്രിയം ഏറെക്കുറെ പ്രസ്തുത ഫലത്തിനോടു സമാനരീതിയില്‍ വളഞ്ഞുപോകുകയും ആ നിറം ഉണ്ടാവുകയും ചെയ്യുന്ന ഗുരുതരമായ സ്ഥിതിവിശേഷമാണിത്.

അള്‍ട്രാസൗണ്ട് പരിശോധനകളില്‍ നിന്നും ലിംഗത്തിന്റെ ഉള്‍പേശികള്‍ക്ക് ക്ഷതം പറ്റിയതാണെന്നു കണ്ടെത്തി. പുരുഷലിംഗത്തിനുള്ളില്‍ എല്ലുകളില്ലെങ്കിലും പേശികള്‍ക്ക് ഒടിവും ചതവും ഒക്കെ സംഭവിക്കാന്‍ സാധ്യതയുണ്ട്. ഉദ്ധരിച്ചു നില്‍ക്കുന്ന ലിംഗം പെട്ടെന്ന് വളയുകയോ, തിരിയുകയോ ചെയ്യുമ്പോള്‍ ഇത് സംഭവിക്കാവുന്നതാണ്. ഈ യുവാവിന് പേശീക്ഷതം ഉണ്ടായിട്ട് ലിംഗത്തിനുള്ളിലെ കലകളില്‍ രക്തപ്രവാഹം തടയപ്പെട്ട് രക്തം കെട്ടിക്കിടക്കുന്ന ഹെമാടോമ എന്ന അവസ്ഥയും ഉണ്ടായിരുന്നു.

ഏതായാലും അടിയന്തിര ശസ്ത്രക്രിയ നടത്തി പേശികള്‍ക്കുണ്ടായ കേടു പരിഹരിക്കുകയും കട്ടപിടിച്ചുകിടന്ന രക്തം നീക്കം ചെയ്യുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha