വരനെ തേടി അലഞ്ഞ യുവതി ഒടുവില്‍ സ്വയം വിവാഹം കഴിച്ചു
ഇരുപത് വര്‍ഷം തനിക്ക് അനുയോജ്യനായ വരനെ കാത്തിരുന്ന യുവതി കഴിഞ്ഞ വര്‍ഷം സ്വയം വിവാഹം കഴിച്ചതായി റിപ്പോര്‍ട്ട്. ഇംഗ്ലണ്ടിലെ ബ്രൈറ്റണ്‍ സ്വദേശിനിയായ സോഫി ടാനര്‍ (37) എന്ന യുവതിയാണ് വ്യത്യസ്തമായ വിവാഹം കഴിച്ചത്.
ഡിജിറ്റല്‍ കണ്‍സള്‍ട്ടന്റായ ടാനര്‍ കഴിഞ്ഞ ഇരുപത് വര്‍ഷമായി തനിക്ക് അനുയോജ്യനായ ജീവിത പങ്കാളിയെ തെരയുകയായിരുന്നു. ദീര്‍ഘമായ അന്വേഷണത്തിനൊടുവിലും തനിക്ക് അനുയോജ്യനായ വരനെ കണ്ടെത്താന്‍ സാധിക്കാതെ വന്നതോടെ ഇവര്‍ തന്നെത്തന്നെ വിവാഹം കഴിക്കാന്‍ തീരുമാനിക്കുകയായിരുന്നു.
സ്വന്തമായി ഒരു മോതിരം വാങ്ങിയാണ് ഇവര്‍ സ്വയം വിവാഹം കഴിച്ചത്. സോഫിയുടെ പിതാവ് മാല്‍ക്കവും സുഹൃത്തായ ജെയിംസ് മക്‌ഗെവോണും വിവാഹത്തില്‍ പങ്കെടുത്തിരുന്നു. ഇപ്പോള്‍ ഒന്നാം വിവാഹ വാര്‍ഷികം ആഘോഷിക്കുകയാണ് സോഫി. മറ്റ് യുവതികളും തന്റെ പാത പിന്തുടരണമെന്ന അഭിപ്രായക്കാരിയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
