മുതലയുടെ വായില് കൈയ്യിട്ട പരിശീലകന് പരിക്കുകളോടെ ആശുപത്രിയില്
മുതലയുടെ വായില് കൈ ഇട്ട പരിശീലകന്റെ വിഡിയോ സമൂഹമാധ്യമങ്ങളില് ശ്രദ്ധേയമാകുന്നു.തായ്ലന്റിലാണ് സംഭവം.
മൃഗശാലയില്വച്ച് നടത്തുന്ന മുതലകളുടെ പ്രദര്ശനത്തിനിടെയായിരുന്നു അപകടം. വിനോദ സഞ്ചാരികളെ ആകര്ഷിക്കുന്നതിനായി മുതലയുടെ വായ്ക്കകത്ത് തലയും കൈയും കടത്തിവയ്ക്കുന്നത് പ്രദര്ശനത്തിന്റെ മുഖ്യ ആകര്ഷണമാണ്. എല്ലാതവണത്തയും പോലെ ഇത്തവണയും പരിശീലകന് മുതലയുടെ വായ്ക്കകത്ത് കൈയിട്ടെങ്കിലും സംഗതി കൈവിട്ടുപോയി.
കാണികളെയും മൃഗശാലയിലെ ജീവനക്കാരെയും ഞെട്ടിച്ചുകൊണ്ട് മുതല പരിശീലകന്റെ കൈ കടിച്ചു വയ്ക്കുകയായിരുന്നു. മൃഗശാല സന്ദര്ശിച്ചയാളാണ് ആക്രമണത്തിന്റെ ദൃശ്യങ്ങള് പുറത്തുവിട്ടത്. വളരെ ശക്തമായി തള്ളി മുതലയുടെ തൊണ്ടവരെ പരിശീലകന് കൈ കടത്തിവിടുന്ന ദൃശ്യങ്ങള് വീഡിയോയില് കാണാം.
കാണികളെ നോക്കി ലാഘവത്തോടെ മുതലയുടെ വായ്ക്കകത്ത് കൈ കടത്തിവിട്ട പരിശീലകനെ ഞെട്ടിച്ചായിരുന്നു മുതലയുടെ ആക്രമണം., കടിക്കുക മാത്രമല്ല, കുറെ നേരത്തേക്ക് കൈ വായ്ക്കുള്ളില് മുതല പിടിച്ചു നിര്ത്തുകയും ചെയ്തു. വായ്ക്കകത്തുനിന്നും കൈ എടുക്കാന് ശ്രമിച്ചെങ്കിലും കഴിഞ്ഞില്ല. അല്പ നേരം കഴിഞ്ഞാണ് മുതലയുടെ വായില്നിന്നും കൈ പുറത്തെടുക്കാന് കഴിഞ്ഞത്. പരിശീലകനെ പരിക്കുകളോടെ ആശുപത്രിയില് പ്രവേശിപ്പിച്ചു.
https://www.facebook.com/Malayalivartha
