ഇത് വീട്ടില് പരീക്ഷിച്ചു നോക്കൂ എന്ന് ധോനി, അത് വേണോ എന്ന് ആരാധകര്!
ഇന്ത്യന് ടീം ഇംഗ്ലണ്ടില് ടെസ്റ്റ് പരമ്പരയ്ക്കൊരുങ്ങുമ്പോള്,എം.എസ് ധോനി സൈക്കിളില് വ്യത്യസ്തത പരീക്ഷിക്കുന്ന തിരക്കിലാണ്.
പക്ഷേ ധോനി ഇന്സ്റ്റഗ്രാമിലിട്ട വീഡിയോ കണ്ടാല് ഇതെന്ത് സൈക്കിളോട്ടം എന്ന് ആരാധകര് ചോദിച്ചുപോകും. ഇനി ധോനിയുടെ സൈക്കിള് സ്റ്റണ്ടാണോ ഇത് എന്നും ആരാധകര്ക്ക് സംശയമുണ്ട്.
കൂളിംഗ് ഗ്ലാസ് വെച്ച് ചാറ്റല് മഴയില് ധോനി സൈക്കിളോടിക്കുന്നതാണ് വീഡിയോയിലുള്ളത്.
ഒപ്പം ഒരു മരക്കഷ്ണം വായില് വെച്ചിട്ടുമുണ്ട്. ചെരിവുള്ള സ്ഥലത്ത് ധോനി പെഡലുപയോഗിക്കുന്നില്ല.
ഇത് തമാശക്ക് വേണ്ടി ചെയ്തതാണെന്നും നിങ്ങള്ക്ക് വീട്ടില് പരീക്ഷിച്ചു നോക്കാമെന്നുമുള്ള കുറിപ്പും ധോനി വീഡിയോയ്ക്കൊപ്പം പോസ്റ്റ് ചെയ്തിട്ടുണ്ട്.
ഈ അടുത്ത് ഇന്ത്യയിലെ ഏറ്റവും ആരാധ്യനായ കായിക താരമായി ധോനിയെ തിരഞ്ഞെടുത്തിരുന്നു. സച്ചിന് തെണ്ടുല്ക്കറേയും വിരാട് കോലിയേയും പിന്നിലാക്കിയാണ് ധോനി ഈ നേട്ടത്തിലെത്തിയത്.
https://www.facebook.com/Malayalivartha
