കള്ളനെ കാവല്‍ ഏല്‍പ്പിക്കുന്നതു പോലെ... തന്റെ സ്ഥാപനത്തിലേക്ക് വന്ന് മോഷ്ടിച്ചിട്ടു പോകാന്‍ മോഷ്ടാക്കളെ ക്ഷണിക്കുന്നു ഒരു സ്ഥാപനമുടമ!
മോഷ്ടാക്കള്‍ തങ്ങളുടെ സ്ഥാപനങ്ങളില്‍ കയറാതിരിക്കുവാന്‍ ഉടമകള്‍ തങ്ങളാലാകുന്ന സുരക്ഷാ ക്രമീകരണങ്ങള്‍ എല്ലാം ചെയ്യാറുണ്ട്. എന്നാല്‍ തന്റെ സ്ഥാപനത്തില്‍ നിന്നും സാധനങ്ങള്‍ കവരുവാന്‍ മോഷ്ടാക്കളെ മാടി വിളിക്കുകയാണ് ഒരു കടയുടമ.
യുകെയില്‍ തുണി വ്യാപാരം ചെയ്യുന്ന ഒരു സ്ത്രീയാണ് തന്റെ കടയില്‍ നിന്നും വസ്തുക്കള്‍ കവരുന്ന ജോലി മോഷ്ടാക്കള്‍ക്കായി വാഗ്ദാനം ചെയ്യുന്നത്. മോഷ്ടാക്കള്‍ക്ക് 64 ഡോളര്‍ ശമ്പളമായും നല്‍കും. പോരാത്തതിന് അവര്‍ മോഷ്ടിച്ചെടുക്കുന്ന വസ്തുക്കള്‍ അവര്‍ക്ക് നല്‍കുകയും ചെയ്യും. ഒരു മണിക്കൂറാണ് ഇവര്‍ക്ക് അനുവദിച്ചിരിക്കുന്ന സമയം. ഇതിനുള്ളില്‍ മോഷണം നടത്തിയിരിക്കണം. എന്നാല്‍ ഒരു നിബന്ധന മാത്രം മോഷണത്തിനു ശേഷം എങ്ങനെയാണ് അവര്‍ സാധനം മോഷ്ടിച്ചതെന്ന് ഉടമയോട് വിശദീകരിച്ചു പറയണം.
കാരണം മോഷണത്തിനുള്ള എല്ലാ സാധ്യതകളും തടയുക എന്ന ലക്ഷ്യത്തോടെയാണ് ഈ ഉടമ ഇത്തരമൊരു നിലപാട് സ്വീകരിച്ചത്. നാളുകളായി ഇവരുടെ സ്ഥാപനത്തില്‍ നിന്നും മോഷ്ടാക്കള്‍ നിരവധി സാധനങ്ങള്‍ മോഷ്ടിച്ചിരുന്നു. ഇതില്‍ മനം നൊന്താണ് ഉടമ ഈ തീരുമാനത്തിലെത്തുന്നത്.
2013-ലാണ് ഇവര്‍ സ്ഥാപനം ആരംഭിക്കുന്നത്. അന്നു മുതല്‍ എല്ലാ വര്‍ഷവും നല്ല തിരക്കുള്ള അവസരങ്ങളില്‍ ഇവരുടെ സ്ഥാപനത്തില്‍ നിന്നും സാധനങ്ങള്‍ മോഷണം പോകാറുണ്ടായിരുന്നു. തിരക്കുള്ള സമയങ്ങളില്‍ കടയില്‍ വരുന്ന എല്ലാവരെയും ശ്രദ്ധിക്കുവാന്‍ സാധിക്കാത്തതിനാല്‍ ഇവിടെയെത്തുന്ന മോഷ്ടാക്കള്‍ കാരണം ഇവര്‍ക്ക് നിരവധി പണം നഷ്ടമായിരുന്നു. തന്റെ പുതിയ തീരുമാനം വലിയ രീതിയില്‍ ഗുണമുണ്ടാക്കുമെന്നാണ് ഇവരുടെ പ്രതീക്ഷ. അതിനായി മിടുക്കന്മാരായ മോഷ്ടാക്കളെ കാത്തിരിക്കുകയാണ് ഈ സ്ഥാപനത്തിന്റെ ഉടമ.
https://www.facebook.com/Malayalivartha
