പസഫിക് സമുദ്രത്തിലെ മാര്‍ഷല്‍ ഐലന്‍ഡില്‍ മീന്‍ പിടിക്കാന്‍ വീശിയ വലയില്‍ കുടുങ്ങിയത് മയക്കുമരുന്ന്.

48 കിലോഗ്രാം കൊക്കെയ്‌നാണ് ഒരു മത്സ്യത്തൊഴിലാളിയുടെ വലയില്‍  കുടുങ്ങിയത്.

പ്ലാസ്റ്റിക് ബാഗുകളിലായി സൂക്ഷിച്ചിരുന്ന കൊക്കെയ്ന്‍, ഏകദേശം നാലു മില്യണ്‍ ഡോളര്‍ വിലമതിക്കുന്നതാണെന്ന് പോലീസുദ്യോഗസ്ഥര്‍ അറിയിച്ചു.

മാര്‍ഷല്‍ ഐലന്‍ഡിലെ നിയമപാലകര്‍, അമേരിക്കയിലെ ഡ്രഗ് എന്‍ഫോഴ്‌സ്‌മെന്റ് ഏജന്‍സിയുടെ സഹായം തേടിയതിനു ശേഷം നടത്തിയ പരിശോധനയിലാണ് വലയില്‍ കുടുങ്ങിയത് കൊക്കെയ്‌നാണെന്ന് തെളിഞ്ഞത്.

2002 മുതല്‍ 2009 മുതലുള്ള കാലയളവില്‍ കെട്ടുകണക്കിന് മയക്കുമരുന്നുകളും കൊക്കെയ്‌നുകള്‍ നിറച്ച ബോട്ടുകളും നിരവധിയായി മാര്‍ഷല്‍ ഐലന്‍ഡില്‍ നിന്നും കണ്ടെത്തിയിട്ടുണ്ട്.