യതീഷ് ചന്ദ്ര പറയുന്നു, സുരേഷ് ഗോപിയെ എംപി എന്ന നിലയില് അറിയാം; മമ്മൂട്ടിയെയും മോഹന്ലാലിനെയും കുറിച്ച് കേട്ടിട്ടുണ്ടെങ്കിലും ഷീലയെ അറിയുകയേയില്ല!
യതീഷ് ചന്ദ്ര ഐ പി എസ്സ് എപ്പോഴും വാര്ത്താതാരമാണ്. യതീഷ് ചന്ദ്ര ദേശീയ ശ്രദ്ധ നേടിയത് ആലുവയില് സിപിഎം ഓഫീസില് ആക്രമണം നടത്തിയതോടെയാണ്. ഹൈക്കോടതിക്ക് മുന്നില് പുതുവൈപ്പിന് സമരത്തെ അടിച്ചമര്ത്തിയപ്പോള് യതീഷ് ചന്ദ്ര കേരള സമൂഹത്തിന് മുന്നില് വില്ലനായിരുന്നു. പിന്നീട് തന്റെ യതീഷ് ചന്ദ്രയുടേത് നേരേ വാ നേരേ പോ എന്ന നിലപാടായിരുന്നു എന്ന് തിരിച്ചറിഞ്ഞ മലയാളികള് അദ്ദേഹത്തിന് ഹീറോ പരിവേഷം നല്കി.
വാര്ത്തകളില് ഇടം നേടിയതോടെ നടി ഷീലയുടെ ബന്ധുവായ ക്രിസ്ത്യാനിയാണ് യതീഷ് ചന്ദ്ര എന്ന് വാര്ത്ത പരന്നിരുന്നു. എന്നാല് എന്നോട് ഇതിനെപ്പറ്റി ആരും ചോദിച്ചിട്ടു പോലുമില്ല എന്നതാണ് തമാശയെന്ന് അദ്ദേഹം പറയുന്നു. ഷീലയുടെ ബന്ധുവല്ല എന്നു മാത്രമല്ല, അവരെ അറിയുക പോലും ഇല്ല. കര്ണാടകയിലെ ദാവന്ഗരെയാണ് എന്റെ സ്വദേശം. ഒരു മലയാള സിനിമ പോലും ഞാന് കണ്ടിട്ടില്ല. സുരേഷ് ഗോപിയെക്കുറിച്ച് അടുത്തിടെ ഒരുപാട് കേട്ടു. അദ്ദേഹത്തെ എംപി എന്ന നിലയിലേ അറിയൂ. മമ്മൂട്ടി, മോഹന്ലാല്, പൃഥ്വിരാജ്, നിവിന് പോളി തുടങ്ങിയവരെക്കുറിച്ചും കേട്ടിട്ടുണ്ടെന്നു മാത്രമേ ഉള്ളു എന്ന് യതീഷ് പറയുന്നു.
ജാതിയുടെയും മതത്തിന്റെയും പേരില് ആളുകളിങ്ങനെ വേര്തിരിക്കുന്നതു കാണുമ്പോള് അദ്ഭുതം തോന്നും. നൂറു ദിവസം ആയിട്ടേയുള്ളൂ നമ്മള് പ്രളയം അതിജീവിച്ചിട്ട്. അന്ന് ആരും ഹിന്ദുവും ക്രിസ്ത്യാനിയും മുസ്ലിമും ആയിരുന്നില്ല, മനുഷ്യരായിരുന്നു.
ആ ദിവസങ്ങളില് സ്വന്തം കുടുംബത്തിന്റെ അവസ്ഥ പോലും നോക്കാതെയാണ് പല പൊലീസുകാരും കര്മനിരതരായത്. ഉറപ്പായും ഉണ്ടാകേണ്ടിയിരുന്ന അടുത്ത ബന്ധുവിന്റെ വിവാഹത്തിനുപോലും ഞാന് പങ്കെടുത്തില്ലെന്ന് യതീഷ് പറഞ്ഞു. എല്ലാം കഴിഞ്ഞിട്ടിപ്പോള് പൊലീസുകാരുടെ ജാതിയും മതവും തിരക്കുന്നത് എന്തിനാണ്? അന്ന് നല്ലവരായിരുന്ന പൊലീസ് ഇപ്പോള് എങ്ങനെ മോശക്കാരാകും? എന്റെ മാത്രമല്ല, കേരളത്തിലെ പൊലീസുകാരുടെ മുഴുവന് വേദനയാണിതെന്ന് യതീഷ് പറഞ്ഞു.
https://www.facebook.com/Malayalivartha