സിംഗപ്പൂരിലെത്തിയ മലേഷ്യക്കാരന് ഭക്ഷണം വാങ്ങുവാനിറങ്ങിയ ശേഷം താമസസ്ഥലത്തേക്കുള്ള വഴി തിരിച്ചറിയാനായില്ല, ചോദിക്കാന് നാണക്കേടായതിനാല് നഗരത്തില് അലഞ്ഞത് 10 ദിവസം!
അപരിചിതമായ സ്ഥലത്തെത്തിയാല് അവിടെയുള്ളവരോട് വഴി ചോദിച്ച് മനസിലാക്കുന്നതില് അസ്വഭാവികതയൊന്നുമില്ല. എന്നാല് നാണക്കേട് ഭയന്ന് ആരോടും വഴി ചോദിക്കാതിരുന്ന ഒരു കൗമാരക്കാരvd]Jz അനുഭവമാണ് ഏറെ അമ്പരപ്പുളവാക്കുന്നത്.
ഹാംഗ് ഡാമിംഗ് എന്ന മലേഷ്യ സ്വദേശിയായ 18-കാരനാണ് താന് താമസിക്കുന്ന കെട്ടിടത്തിലേക്കുള്ള വഴിയറിയാതെ സിംഗപ്പൂര് നഗരത്തില് 10 ദിവസങ്ങള് കറങ്ങി നടന്നത്. ജോലി തേടി കഴിഞ്ഞ മാസമാണ് ഹാംഗ് മലേഷ്യയില് നിന്നും സിംഗപ്പൂരിലെത്തിയത്. ഹാംഗ് ഒരു സുഹൃത്തിനൊപ്പമാണ് ഇവിടെ താമസിച്ചിരുന്നത്.
സുഹൃത്ത് മറ്റൊരു സ്ഥലത്തു പോകുന്നതിനു മുന്പായി ഭക്ഷണം വാങ്ങിക്കുവാന് ഹാംഗിന് പണം നല്കിയിരുന്നു. അദ്ദേഹം പോയി കഴിഞ്ഞ് ഭക്ഷണം വാങ്ങുവാനായി അടുത്തുള്ള ഭക്ഷണശാലയില് ഹാംഗ് പോയി. എന്നാല് തിരികെ മുറിയിലേക്കു പോകുവാന് ഇറങ്ങിയപ്പോഴാണ് ഏത് ദിശയിലേക്കാണ് പോകേണ്ടതെന്ന് അറിയാതെ ഹാംഗ് കുഴങ്ങിയത്. എവിടെ നോക്കിയാലും ഒരു പോലുള്ള കെട്ടിടങ്ങളും വഴികളും അതായിരുന്നു ഹാംഗില് സംശയമുണ്ടാക്കിയത്.
പണവും പാസ്പോര്ട്ടും മൊബൈല് ഫോണും, ഹാംഗ് മുറിയിലായിരുന്നു വച്ചിരുന്നത്. അതുകൊണ്ട് വഴി ചോദിച്ച് മനസിലാക്കുവാന് സുഹൃത്തിനെ പോലും വിളിക്കുവാന് ഹാംഗിനായില്ല. എന്നാല് ആരോടെങ്കിലും വഴി ചോദിച്ചു മനസിലാക്കുകയോ ആരുടെയെങ്കിലും ഫോണ് വാങ്ങി സുഹൃത്തിനെ വിളിക്കുവാനോ ഹാംഗ് തയാറായില്ല. തുടര്ന്ന് 10 ദിവസമാണ് ഹാംഗ് നഗരത്തില് ചിലവഴിച്ചത്.
എന്നാല് എട്ട് ദിനങ്ങള് കഴിഞ്ഞപ്പോഴേക്കും ഹാംഗിന്റെ കൈവശമുണ്ടായിരുന്ന പണം തീര്ന്നിരുന്നു.എന്നിട്ടും, വീട്ടിലേക്ക് മടങ്ങിപ്പോകുവാന് ഒരാളോടു പോലും വഴി ചോദിച്ചു മനസിലാക്കുവാന് തയാറാകാതിരുന്ന ഹാംഗ് ഭക്ഷണം കഴിക്കുവാനുള്ള പണത്തിനായി ആളുകളോട് ഭിക്ഷ ചോദിക്കുവാന് ആരംഭിച്ചു. രണ്ടു ദിവസങ്ങള്ക്കൂടി കഴിഞ്ഞപ്പോഴാണ് ഹാംഗിന്റെ നല്ല സമയമുദിച്ചത്. കാരണം വീട്ടില് മടങ്ങിയെത്തിയ സുഹൃത്ത് ഹാംഗിനെ കാണാത്തതിനെ തുടര്ന്ന് പോലീസില് അറിയിച്ചിരുന്നു.
മാത്രമല്ല പല സ്ഥലങ്ങളിലും നോട്ടീസും പതിപ്പിച്ചിരുന്നു. ഈ നോട്ടീസ് ശ്രദ്ധയില്പ്പെട്ട ഒരാള് ഹാംഗിനെ കണ്ടെത്തുകയായിരുന്നു. ആ സമയം വീട്ടില് നിന്നും ആറു കിലോമീറ്റര് അകലെയുള്ള ഗ്രൗണ്ടിലായിരുന്നു ഹാംഗ്. സുഹൃത്തിന്റെ അടുക്കല് തിരികെയെത്തിയ ഹാംഗ് സ്വന്തം നാടായ മലേഷ്യയിലേക്ക് മടങ്ങി പോയിരിക്കുകയാണ്.
ഇനി താന് സിംഗപ്പൂരിലേക്ക് മടങ്ങി വരില്ലെന്നും ഇവിടെ ജീവിക്കുവാന് ഭയമാണെന്നുമാണ് അദ്ദേഹം പറയുന്നത്. ഹാംഗിന്റെ കഥ സിംഗപ്പൂരിലും മലേഷ്യയിലും വ്യാപകമായി പ്രചരിച്ചിരുന്നു. വീട്ടിലേക്കുള്ള വഴി ചോദിച്ചു മനസിലാക്കുവാന് നാണമുള്ളയാള് എങ്ങനെയാണ് ഭിക്ഷ ചോദിക്കുന്നതെന്നാണ് ഏവരുടെയും ചോദ്യം. ഇത്തരം ചിന്താഗതികള് വച്ചു പുലര്ത്തുന്നയാള്ക്ക് മുന്പോട്ടുള്ള ജീവിതം വളരെ ദുസഹമായിരിക്കുമെന്നും ആളുകള് അഭിപ്രായപ്പെടുന്നുണ്ട്.
https://www.facebook.com/Malayalivartha
