നടക്കാനാകാത്ത അനിയനായി സ്വന്തം സൈക്കിളില് ചേച്ചി വീല്ചെയര് ഘടിപ്പിച്ചു
മയൂരിയുടെയും നിഖിലിന്റേയും സഹോദരീ സഹോദര സ്നേഹം ജീവിതത്തില് നിന്നുള്ള ഏടാണ്്്്്്, അവര് സിനിമയിലേയോ സാഹിത്യപുസ്തകത്തിലേയോ വെറും കഥാപാത്രങ്ങളല്ല. പൂനെയിലെ ഹോല് ഗ്രാമത്തിലാണ് ഈ സഹോദരങ്ങളുടെ വീട്. പഠിക്കുന്നത് ഗ്രാമത്തില് നിന്നും ഒരു കിലോമീറ്റര് അകലെയുള്ള ആനന്ദ് വിദ്യാലയയിലും.
13 വയസുള്ള നിഖിലിന് ശാരീരികവൈകല്യമുണ്ട്, നടക്കാനാകില്ല. പഠനത്തില് മുന്നിലാണ് ഈ മിടുക്കന്. അച്ഛന്റെ സ്കൂട്ടറിലാണ് നിഖില് സ്കൂളിലെത്തിയിരുന്നത്. എന്നാല് അച്ഛന് തിരക്കുള്ള ദിവസങ്ങളില് സ്കൂളില് പോക്ക് മുടങ്ങും. ക്ലാസുകള് നഷ്ടപ്പെടും.ഇതിനൊരു പോംവഴി കണ്ടെത്തിയത് അതേ സ്കൂളില് പഠിക്കുന്ന നിഖിലിന്റെ സഹോദരി മയൂരിയാണ്.
മയൂരി പറഞ്ഞ ആശയത്തിന് സ്കൂളിലെ അധ്യാപകരും പിന്തുണയേകി ഒപ്പം നിന്നു. ഇന്ന് നിഖില് സ്കൂളില് പോകുന്നത് മയൂരിക്കൊപ്പമാണ്. അവളുടെ സൈക്കിളില് ഘടിപ്പിച്ച വീല്ചെയറിലിരുന്നാണ് യാത്ര.
''എന്റെ അനിയന് വളര്ന്നു വരികയാണ്. എല്ലാ ദിവസവും അവനെ സ്കൂളില് കൊണ്ടുചെന്നാക്കാന് അച്ഛനു കഴിയില്ല. ചിലപ്പോള് അവന് ക്ലാസുകള് നഷ്ടമാകും. അങ്ങനെയാണ് എന്നും എനിക്കൊപ്പം അവനെയും സ്കൂളില് കൊണ്ടുപോകുന്നതിനെക്കുറിച്ച് ചിന്തിച്ചുതുടങ്ങിയത്.
സ്കൂളിലെ പ്രിന്സിപ്പാളിനോടും അധ്യാപകരോടും ഇക്കാര്യം കൂടിയാലോചിച്ചു. അവരുടെ കൂടി പിന്തുണയോടെയാണ് ഈ ആശയം പ്രാവര്ത്തികമാക്കിയത്'', മയൂരി പറയുന്നു.
https://www.facebook.com/Malayalivartha
