അരങ്ങില് അബദ്ധം പിണഞ്ഞെന്ന് മനസ്സിലായ തെസ്നി രംഗം രക്ഷിച്ചതിന്റെ കഥ
നാടകരംഗത്ത് വലിയ പരിചയം ഒന്നും ഇല്ലാതിരുന്ന നടി തെസ്നിഖാന് വിനോദ് കോവൂരിനൊപ്പം ഒരിക്കല് നാടകം അവതരിപ്പിച്ചപ്പോള് പറ്റിയ ഒരു അമളിയെ കുറിച്ച് ഒരു ചാനല് പരിപാടിയില് മനസുതുറന്നു.
നാടകം ചെയ്ത് തനിക്ക് പരിചയമുണ്ടായിരുന്നില്ല. ഒരു വിളക്കുമായി രംഗത്തേയ്ക്ക് വരുകയാണ് വേണ്ടത്. എന്നാല് തന്നോടു വരാന് പറഞ്ഞിരുന്ന സമയത്തിനു മുമ്പ് തന്നെ താന് സ്റ്റേജിലേക്ക് വിളക്കുമായെത്തി. അരങ്ങത്തുള്ള കഥാപാത്രങ്ങള് തങ്ങളുടെ ഡയലോഗ് പൂര്ത്തിയാക്കിക്കഴിയുമ്പോള് മുഴങ്ങുന്ന പശ്ചാത്തലസംഗീതത്തോടൊപ്പമാണ് ദീപം ദീപം എന്നുചൊല്ലി വിളക്കുമായി വരാന് പറഞ്ഞിരുന്നത്.
എന്നാല് സ്റ്റേജിലുള്ളവരുടെ ഡയലോഗ് കഴിയുന്നതുന് മുമ്പ് തന്നെ തെസ്നി സ്റ്റേജിലെത്തി. സ്റ്റേജിലേക്ക് രണ്ടടി വച്ചപ്പോള് തന്നെ അബദ്ധം പറ്റിയെന്ന് മനസിലായി. തെസ്നിയെ 'അസമയത്ത്' കണ്ടതോടെ മറ്റ് അഭിനേതാക്കള് ഞെട്ടി.
ഇതോടെ തെസ്നി സ്റ്റേജിനു മുന്നിലേക്കെത്താതെ രണ്ടടിപിന്നിലേക്ക് പോയി വിളക്കുകൊണ്ട് അവിടെയൊക്കെ ഉഴിയുന്നതായി കാണിച്ചു. അപ്പോഴേക്കും മ്യൂസിക്ക് തുടങ്ങി. ദീപം ദീപം എന്നുപറഞ്ഞ് സ്റ്റേജിന്റെ മുന്നിലേക്ക് വരികയും ചെയ്തു. അപ്പോള് അങ്ങനെയൊരു ബുദ്ധി തോന്നിയില്ലായിരുന്നുവെങ്കില് നാടകം കുളമായേനേ എന്നും തെസ്നി പറയുന്നു.
ഇത് ഒരു കഴിവാണെന്നും സ്റ്റേജ് ഇംപ്രൊവൈസേഷന് എന്നു പറയുന്നത് ഇതിനെയാണെന്നും പറഞ്ഞ് വിനോദ് കോവൂര് തെസ്നിയെ തുണച്ചു.
https://www.facebook.com/Malayalivartha