മദ്യലഹരിയില് യുവാവിന്റെ അലക്ഷ്യമായ ഡ്രൈവിംഗ്, പിതാവും കുഞ്ഞും തലനാരിഴയ്ക്ക് രക്ഷപ്പെട്ടു!
മദ്യപിച്ച് വാഹനമോടിച്ചയാളുണ്ടാക്കിയ അപകടത്തില് നിന്നും പിതാവും കൈക്കുഞ്ഞും രക്ഷപെട്ടത് തലനാരിഴയ്ക്ക്. ഇംഗ്ലണ്ടിലെ പീറ്റര്ബറോയിലാണ് അപകടം നടന്നത്.
വഴിയോരത്തുള്ള ഫുട്പാത്തില് കൈക്കുഞ്ഞുമായി നില്ക്കുകയായിരുന്ന ഒരാള്ക്കു നേരെയാണ് നിയന്ത്രണം നഷ്ടമായ കാര് പാഞ്ഞെത്തിയത്.
കാറിന്റെ നിയന്ത്രണം വിട്ട വരവ് ശ്രദ്ധയില്പ്പെട്ട പിതാവ് ഞൊടിയിടയില് കുഞ്ഞുമായി അവിടെ നിന്നും മാറിയതിനാല് വലിയ ദുരന്തം ഒഴിവാകുകയായിരുന്നു. അവിടെയുണ്ടായിരുന്ന വൈദ്യുത പോസ്റ്റില് ഇടിച്ചാണ് കാര് നിന്നത്.
ബദ്രുള് ഖാന് എന്നയാളാണ് ഈ അപകടമുണ്ടാക്കിയത്. തുടര്ന്ന് കാറുമായി ഇവിടെ നിന്നും രക്ഷപെട്ട ബാദ്രുളിനെ സിസിടിവി ദൃശ്യങ്ങള് പരിശോധിച്ചതിന്റെ അടിസ്ഥാനത്തില് പോലീസ് അറസ്റ്റ് ചെയ്യുകയായിരുന്നു.
ഇയാള് കുറ്റക്കാരനാണെന്ന് തെളിഞ്ഞതിനെ തുടര്ന്ന് 14 മാസത്തെ തടവു ശിക്ഷയാണ് കോടതി വിധിച്ചത്. മാത്രമല്ല മൂന്നര വര്ഷത്തേക്ക് ഇയാള് വാഹനമോടിക്കുന്നത് അധികൃതര് വിലക്കുകയും ചെയ്തിട്ടുണ്ട്.
https://www.facebook.com/Malayalivartha
