വിമാനം രണ്ടായി മുറിഞ്ഞു, പൊട്ടിത്തെറിച്ചു
സൂപ്പര് സോണിക് ബോംബര് വിമാനം ലാന്ഡിങ്ങിനിടെ രണ്ടായി മുറിഞ്ഞു പൊട്ടിത്തെറിച്ചു. വന് ശബ്ദത്തോടെയാണ് വിമാനം തീഗോളമായി മാറിയത്. അത്യാധുനിക പോര്വിമാനത്തിന് ലാന്ഡിങ്ങിനിടെയുണ്ടായ സാങ്കേതിക പ്രശ്നങ്ങളാണ് തകരാന് കാരണമായതെന്നാണ് പ്രാഥമിക റിപ്പോര്ട്ട്. റഷ്യയുടെ സൂപ്പര്സോണിക് പോര്വിമാനം ടിയു–23എം3യാണ് തകര്ന്നത്. അപകടത്തില് മൂന്നു വിമാന ജീവനക്കാര് മരിച്ചു. മാരകമായി പരുക്കേറ്റ് നാലു പേര് ആശുപത്രിയിലാണ്.
ചില റഷ്യന് മാധ്യമങ്ങള് തന്നെയാണ് ജനുവരി 22-ന് നടന്ന സംഭവത്തിന്റെ ഭയാനകമായ വിഡിയോ പുറത്തുവിട്ടത്. ട്വിറ്ററിലും യുട്യൂബിലും പോസ്റ്റ് ചെയ്തിരിക്കുന്ന വിഡിയോ സോഷ്യല്മീഡിയകളില് വൈറലാണ്. പ്രദേശത്തെ ശക്തമായ മൂടല്മഞ്ഞ് കാരണം റണ്വെ കാഴ്ച കുറവായിരുന്നു. ഇതായിരിക്കാം അപകട കാരണം. വിമാനം റണ്വെയില് ഇറങ്ങിയതിനു തൊട്ടുപിന്നാലെ 12 സെക്കന്ഡിനകം തീഗോളമായി മാറുകയായിരുന്നു.
വിമാനം രണ്ടായി വളയുന്നത് ദൃശ്യങ്ങളില് കാണാം. കോക്പിറ്റിന്റെ ചില ഭാഗങ്ങള് തെറിച്ചുപോയി. തൊട്ടുപിന്നാലെ മഞ്ഞുവീണ റണ്വെയില് വന് ശബ്ദത്തോടെ വിമാനം പൊട്ടിത്തെറിച്ചു. ഒലനെഗോര്സ്ക് എയര് ബേസില് മുപ്പത്തിമൂന്നോളം ടിയു–22 പോര്വിമാനങ്ങളുണ്ട്. ഏറ്റവും പുതിയ സാറ്റ്ലൈറ്റ് ചിത്രങ്ങളില് ഒലനെഗോര്സ്ക് എയര് ബേസിലെ ടിയു–22 പോര്വിമാനങ്ങളുടെ ചിത്രങ്ങളും കാണാം.
ടിയു-22എം3 സൂപ്പര്സോണിക് റഷ്യയുടെ ഏറ്റവും മികച്ച പോര്വിമാനങ്ങളില് ഒന്നാണ്. നിരവധി ആയുധങ്ങളും മിസൈലുകളും പ്രയോഗിക്കാന് ശേഷിയുള്ളതാണ് ടിയു 22എം3. പൈലറ്റ്, കോ പൈലറ്റ്, നാവിഗേറ്റര്, വെപ്പണ് സിസ്റ്റം ഓപ്പറേറ്റര് എന്നിവരാണ് മരിച്ചത്. ഏകദേശം 33 വര്ഷം പഴക്കമുള്ള പോര്വിമാനമാണ് തകര്ന്നത്. എന്നാല് ഈ വിമാനം 2012-ല് പരിഷ്കരിച്ചിരുന്നു.
https://www.facebook.com/Malayalivartha