40-ഓളം വര്ഷങ്ങള് കഴിഞ്ഞിട്ടും പുതുമ നഷ്ടപ്പെടാതെ നിലനില്ക്കുന്ന ഒരു മനോഹരഗാനം ഒരു മൂന്നുവയസ്സുകാരിയുടെ ശബ്ദത്തില് കേട്ട് നോക്കൂ...
കാലാതീതമാണ് സംഗീതം. അതുപോലെ ചിലഗാനങ്ങളും തലമുറകള്ക്ക് അതീതമാണ്. എത്ര കേട്ടാലും മതിവരില്ല. അത്തരത്തില് ഒരു ഗാനമാണ് യേശുദാസ് പാടി അനശ്വരമാക്കിയ 'ചന്ദ്രകളഭം ചാര്ത്തി ഉറങ്ങും തീരം'. 1975-ല് പുറത്തിറങ്ങിയ ഈ ഗാനം 40-ഓളം വര്ഷങ്ങള്ക്കപ്പുറവും അതേ ആസ്വാദനലഹരി പകര്ന്നു തരുന്നു.
രണ്ടോ മൂന്നോ വയസ്സു മാത്രം പ്രായമുള്ള വൈഗ എന്ന ഒരു കുഞ്ഞു ഗായിക. അതിമനോഹരമായി അവള് പാടുകയാണ്.
ചന്ദ്ര കളഭം ചാര്ത്തി ഉറങ്ങും തീരും
ഇന്ദ്രധനുസ്സിന് തൂവല് പൊഴിയും തീരും
ഈ മനോഹര തീരത്തു തരുമോ ഇനിയൊരു ജന്മം കൂടി.'
വരികള് അത്ര വ്യക്തമല്ലെങ്കിലും ആലാപന മാധുരി മനോഹരം. സമൂഹമാധ്യമങ്ങളില് വൈറലാകുകയാണ് ഇപ്പോള് ഈ പാട്ട്. നിരവധിപേര് പങ്കുവെക്കുകയും ചെയ്തു. കുഞ്ഞുഗായികയുടെ ആലാപന മാധുരിയെ പ്രശംസിക്കുകയാണ് സോഷ്യല് ലോകം.
വയലാര് രാമവര്മയുടെതാണ് അതിമനോഹരമായ വരികള്. ജി. ദേവരാജന്റെ സംഗീതം. 1975-ല് പുറത്തിറങ്ങിയ കൊട്ടാരം വില്ക്കാനുണ്ട് എന്ന ചിത്രത്തിലേതാണു ഗാനം.
https://www.facebook.com/Malayalivartha