വടി കൊടുത്ത് അടി വാങ്ങുക എന്നാല്‍ എന്താണെന്നതിന്റെ സോദാഹരണ വിശദീകരണം!
എവിടെ എപ്പോള്‍ നടന്നതാണെന്ന് വ്യക്തമല്ലെങ്കിലും ഫെയ്‌സ്ബുക്ക് ഗ്രൂപ്പുകളില്‍ ഒട്ടേറെ പേര്‍ പങ്കുവയ്ക്കുന്ന ഒരു വിഡിയോയാണിത്. ഹിന്ദി സംസാരിക്കുന്ന വ്യക്തികളാണ് വീഡിയോയിലുള്ളത്. 'തരത്തില്‍ പോയി കളിക്കെടാ..' സംഭവം കേരളത്തിലല്ലെങ്കിലും ലഭിക്കുന്ന കമന്റുകള്‍ ഇങ്ങനെയാണ്.
റോഡില്‍ നടന്ന ചെറിയ ഒരു വാക്കുതര്‍ക്കത്തിന്റെ വിഡിയോയാണിത്. തര്‍ക്കം മുറിയപ്പോള്‍ കാര്യം കയ്യാങ്കളിയിലേക്ക് നീങ്ങി. പ്രായമായ ഒരു സ്ത്രീയും പുരുഷനുമാണ് ഒരു ഭാഗത്ത്. മറുവശത്ത് ഒരു യുവാവും. തര്‍ക്കം കയ്യാങ്കളിയില്‍ കലാശിച്ചതോടെ വടിയുമെടുത്ത് തല്ലാനിറങ്ങിയ യുവാവിന് സംഭവിച്ച കുടുക്കാണ് വിഡിയോ വൈറലാവാന്‍ കാരണം.
വടിയുമെടുത്ത് തല്ലാനെത്തിയ യുവാവ് മധ്യവയസ്സുകാരന് ഒരടി കൊടുത്തു. ഒരടി കിട്ടിയെങ്കിലും ആവേശത്തില്‍ തല്ലാനിറങ്ങിയ യുവാവിന്റെ കയ്യില്‍ നിന്നും വടി വാങ്ങി അതുകൊണ്ടുതന്നെ ആ യുവാവിനിട്ട് നല്ല'പെട പെടച്ചു'. പിന്നെ അവനെ തന്റെ കൈക്കുള്ളില്‍ കുടുക്കി വയ്ക്കുകയായിരുന്നു ഈ മനുഷ്യന്‍.
ആരോഗ്യമുള്ള ആ കൈക്കുള്ളില്‍ കിടന്ന് ഒന്നനങ്ങാന്‍ പോലുമാകാതെ ആകെ വിയര്‍ത്തുപോയി ഈ യുവാവ്. അച്ഛന്റെ പ്രായമുള്ള ഒരാളെ തല്ലാനിറങ്ങിയ യുവാവിന് ഇതുതന്നെ വേണമെന്നാണ് വിഡിയോയ്ക്ക് ലഭിക്കുന്ന കമന്റുകള്‍. എന്നാല്‍ ഏറെ കൗതുകം, 'അവനെ വിടൂ അവന്‍ ചെറിയ കുട്ടിയല്ലേ..' എന്ന് പറഞ്ഞ് ആ മനുഷ്യനെ സമാധാനിപ്പിക്കാന്‍ ശ്രമിക്കുകയായിരുന്നു ഒപ്പമുണ്ടായിരുന്ന സ്ത്രീ.
https://www.facebook.com/Malayalivartha
