കല്ല്യാണത്തില് സംബന്ധിച്ച ശേഷം ഭക്ഷണമേശ തേടിയോടുന്ന ശരാശരി മലയാളിയുടെ മാനറിസങ്ങള് തേടിയ ക്യാമറക്കണ്ണുകള്ക്ക് പുഞ്ചിരിപ്പായസം ഒരുക്കിയ കുരുന്നുകള് വൈറല്; കണ്ടുമതിവരാതെ സോഷ്യല് ലോകം
ഞാന് പ്രകാശന് എന്ന ചിത്രത്തില് നിന്ന് സോഷ്യല് ലോകത്ത് ഏറെ ചിരിപടര്ത്തിയ സീനായിരുന്നു കല്ല്യാണശേഷം ഭക്ഷണത്തിനിരിക്കുന്ന സീന്. ക്യാമറ അടുത്ത് വരുമ്പോള് ഒരു ശരാശരി മലയാളിയുടെ മാനറിസങ്ങള് എപ്രകാരമാണോ അത് അതേപടി പകര്ത്തുന്നതില് നടന് ഫഹദ് വിജയിച്ചിട്ടുമുണ്ട്.
കല്ല്യാണങ്ങള്ക്ക് പോയിക്കഴിഞ്ഞാല് സദ്യയ്ക്ക് ഇരിക്കുമ്പോള് ക്യാമറ അടുത്ത് വരുമ്പോള്, അത് അറിഞ്ഞതായി ഭാവിക്കാതെ തീന്മേശ മര്യാദകള് മുഴുവന് പാലിച്ചുകൊണ്ട് ഭക്ഷണം കഴിക്കുന്നതു പോലെ ഇരിക്കാനാണ് പലരും ശ്രമിക്കാറുള്ളത്.
എന്നാല് ഇപ്പോഴിതാ രണ്ടു കുട്ടികള് ഇത് പൊളിച്ചടുക്കിയിരിക്കയാണ്. ക്യാമറ കണ്ടപ്പോള്, ഭക്ഷണം കഴിച്ചുകൊണ്ടിരുന്ന ഈ കുട്ടികളുടെ മുഖത്തുണ്ടായ ഭാവങ്ങളാണ് ഏറെ രസകരം. കഴിക്കുന്നതിനിടയിലാണ് ക്യാമറാമാന് തന്നെ ഫോക്കസ് ചെയ്യുന്നത് കൂട്ടത്തില് ഒരാള് ശ്രദ്ധിച്ചത് .
തന്നെയാണ് ഫോക്കസ് ചെയ്യുന്നതെന്നറിഞ്ഞ് തൊട്ടടുത്തിരുന്ന കൂട്ടുകാരിയെയും വിളിച്ച് കാണിക്കുകയായിരുന്നു ഈ കുട്ടി. പിന്നീട് രണ്ടുപേരും ചേര്ന്ന് നല്ലൊരു ക്ലാസ് ചിരി പാസാക്കി വിഡിയോ അതിമനോഹരമാക്കി. എന്നിട്ട് ഭക്ഷണം കഴിക്കുന്നതിലേക്ക് ശ്രദ്ധ കേന്ദ്രീകരിക്കുകയായിരുന്നു. ഈ വിഡിയോ സോഷ്യല് ലോകത്ത് പങ്കുവച്ചതോടെ വിഡിയോ വൈറലായിരിക്കുകയാണ്.
https://www.facebook.com/Malayalivartha