ഹൈടെക് മുത്തശി; ചോളം പൊരിക്കാന് സൗരോര്ജ്ജ പാനല്
സോഷ്യല് ലോകം ഈ മുത്തശിയെ വിളിക്കുന്നത് ഹൈടെക് മുത്തശി എന്നാണ്. നാട് ഓടുമ്പോള് നടുവേ ഓടാന് തയ്യാറായതാണ് മുത്തശ്ശിയ്ക്ക് ഈ പേര് വരാന് ഇടയാക്കിയത്.
സോളാര് സങ്കേതത്തെ തന്റെ ഉപജീവനമാര്ഗവുമായി കൂട്ടിയിണക്കുകയാണ് ഈ ഹൈടെക്ക് മുത്തശ്ശി. ബെംഗളൂരുവിലെ വിധാന് സൗധയ്ക്ക് മുന്പില് കഴിഞ്ഞ 20 വര്ഷമായി ചോളം വില്ക്കുകയാണ് 75-കാരിയായ സെല്വമ്മ.
കഴിഞ്ഞ കുറച്ച് നാളായി ജോലിയില് അല്പം ഹൈടെക് ആയി ഈ മുത്തശി. സോളറിന്റെ സഹായത്തോടെയാണ് ഇപ്പോള് ചോളം വറുക്കുന്നത്. സോളര് ശക്തി ഉപയോഗിച്ചുള്ള ഫാന് കറക്കിയാണ് ഇവര് ചോളം വറുത്തെടുക്കുന്നത്.
ലിഥിയം അയേണ് ബാറ്ററി ഉപയോഗിച്ചാണ് സോളര് ഫാന് പ്രവര്ത്തിപ്പിക്കുന്നത്. സാധാരണ രീതിയില് വറുത്തെടുക്കുമ്പോള് കൈയില് പൊള്ളലേല്ക്കുകയോ മറ്റ് ബുദ്ധിമുട്ടുകള് അനുഭവപ്പെടുകയോ ചെയ്യാറുണ്ടായിരുന്നു.
സോളര് ഫാന് ഉപയോഗിക്കാന് തുടങ്ങിയതോടെ ബുദ്ധിമുട്ടുകളെല്ലാം മാറിയെന്ന് സെല്വമ്മ പറയുന്നു. സോളാര് ഫാന് ഉപയോഗിച്ച് ചോളം വറുത്തെടുക്കുന്ന സെല്വമ്മയുടെ ചിത്രങ്ങളാണ് ഇപ്പോള് വൈറലാകുന്നത്.
https://www.facebook.com/Malayalivartha
