വീട്ടുകാര്ക്ക് അമ്പരപ്പ്, വധുവിന് കൗതുകം, വരന് എത്തിയത് റോഡ് റോളറില്!
ന്യൂജെന് വധൂവരന്മാര്ക്ക് പഴമയോട് ആഭിമുഖ്യം വളരെ കുറവാണ്. എന്തുചെയ്താലും ശ്രദ്ധിക്കപ്പെടണമെന്ന ചിന്തയാണുള്ളത്. വിവാഹദിനവും എങ്ങനെ വ്യത്യസ്തമാക്കാം എന്നാണ് ആലോചന. വൈവിധ്യത്തിന് വേണ്ടി ഏത് അറ്റം വരെ പോകാനും മടിയുമില്ല.
ആനക്കൊമ്പില് തൂങ്ങിയാടാനോ, ശവപ്പെട്ടിയില് കയറി വരാനോ, സ്വകാര്യ ബസില് യാത്ര ചെയ്യാനോ എന്തിനും റെഡി. എന്നാല് ബംഗാളില് ഒരു വരന് അതുക്കുംമേലെയുള്ള ആശയവുമായിട്ടാണ് വിവാഹവേദിയിലേക്ക് രംഗപ്രവേശം ചെയ്തത്.
സാധാരണ വരന്മാര് കുതിരപ്പുറത്തോ അലങ്കരിച്ച തുറന്ന കാറിലോ ഒക്കെ ആണ് വിവാഹവേദിയില് എത്തുന്നത്. എന്നാല് അര്ക്കാപാത്ര എന്ന വരന് എത്തിയതാകട്ടെ റോഡ്റോളറിലും!
അലങ്കരിച്ച റോഡ്റോളറില് ഉരുണ്ടുവരുന്ന വരനെ കാണാന് നിരവധിപ്പേരാണ് വഴിയരികില് കാത്തുനിന്നത്. വരന്റെ ഈ വൈവിധ്യമാര്ന്ന വരവ് ഇരുവീട്ടുകാരെയും അമ്പരപ്പിച്ചു. എന്നാല് വധു ഇതിന് പൂര്ണ്ണപിന്തുണ നല്കി.
വിവാഹത്തില് വൈവിധ്യം വേണമെന്ന് വിചാരിച്ചപ്പോള് കാശുചോരാത്ത എന്തെങ്കിലുമൊന്ന് എന്നായിരുന്നു മനസില്, അതുകൊണ്ടാണ് റോഡ് റോളര് തിരഞ്ഞെടുത്തതെന്ന് വരന് പറയുന്നു. ഇവരുടെ വിവാഹസത്കാരത്തിന് വൈവിധ്യത്തിന്റെ പേരില് ഉച്ചത്തിലുള്ള ഗാനം ഒഴിവാക്കി, പകരം ഓടക്കുഴല് വായനയാണ് നടത്തിയത്.
https://www.facebook.com/Malayalivartha