സെല്ഫിയ്ക്ക് പോസ് ചെയ്യുമ്പോഴുള്ള കുട്ടികളുടെ 'ഭാവാഭിനയം' കലക്കി! മുമ്പില് മറ്റൊരു ക്യാമറ ഉണ്ടെന്നറിയുമ്പോഴും എന്തൊരു സ്വാഭാവികത!
ക്യാമറയല്ലെന്ന് അറിഞ്ഞിട്ടും മൊബൈല് ഫോണില് സെല്ഫി എടുക്കാന് നില്ക്കുന്ന മട്ടില് തന്നെയാണ് കുട്ടികളുടെ നില്പ്പ്. നിഷ്കളങ്കമായ ചിരിയോടെ 'ചെരുപ്പ് സെല്ഫി'യ്ക്ക് പോസ് ചെയ്യുന്ന കുട്ടികള് ആളുകളുടെ സ്നേഹവും വാത്സല്യവും സ്വന്തമാക്കിയിരിക്കുകയാണ്.
സെല്ഫി എടുക്കുന്ന ഒരുകൂട്ടം കുട്ടികളാണ് സാമൂഹ്യമാധ്യമങ്ങളിലെ ഇപ്പോഴത്തെ താരങ്ങള്. കൂട്ടം കൂടി നിന്ന് ചിരിച്ച് വളരെ സന്തോഷത്തോടെ സെല്ഫി എടുക്കാന് നില്ക്കുന്നതുപോലെ പോസ് ചെയ്യുകയാണ് കുട്ടികള്. എന്നാല് ഈ സെല്ഫിക്ക് ഒരു പ്രത്യേകതയുണ്ട്. സെല്ഫി എടുക്കാന് ഉപയോഗിച്ച ക്യാമറയില് ചിത്രം പകര്ത്താന് കഴിയില്ല. കാരണം ക്യാമറയ്ക്ക് പകരം ചെരുപ്പ്് ഉപയോഗിച്ചാണ് അവര് സെല്ഫിയെടുക്കുന്നത്. എന്നാല് അവരുടെ ഈ കുസൃതി മറ്റൊരു ക്യാമറ പകര്ത്തുന്നുണ്ടായിരുന്നു.
കുട്ടിക്കാലത്തെ എല്ലാ കുസൃതികളും പുറത്തുകാട്ടുന്ന ചിത്രമാണ് അജ്ഞാതനായ ഒരു ഫോട്ടോഗ്രാഫര് ക്യാമറയില് പകര്ത്തിയത്. ആ ക്യാമറയുടെ സാന്നിദ്ധ്യം തീര്ത്തും മറന്നുകൊണ്ട്, ക്യാമറയ്ക്കു മുമ്പില് സ്വാഭാവികതയോടെ 'പെരുമാറാന്' ആ കുട്ടികള്ക്കായി.
പണ്ട് കളിക്കാനായി ചിരട്ടയും കല്ലും മണ്ണുമൊക്കെ ഉപയോഗിച്ചിട്ടുണ്ടെങ്കില് ഇത് ന്യൂ ജനറേഷനാണ്. ഇവിടെ കല്ലും മണ്ണുമൊന്നും പോര. കമ്പ്യൂട്ടറുകളും മൊബൈല് ഫോണുകളും വാഴുന്ന ഈ കാലത്ത് സെല്ഫി വിട്ട് കൊച്ചുപിള്ളേര്ക്ക് പോലും മറ്റൊരു ചിന്തയില്ലെന്നുംകൂടി തെളിയിക്കുകയാണ് ഈ ചിത്രം.
അഞ്ച് കുട്ടികളാണ് ചിത്രത്തിലുള്ളത്. ക്യാമറയല്ലെന്ന് അറിഞ്ഞിട്ടും മൊബൈല് ഫോണില് സെല്ഫി എടുക്കാന് നില്ക്കുന്ന മട്ടിലാണ് കുട്ടികളുടെ നില്പ്പ്. നിഷ്കളങ്കമായ ചിരിയോടെ 'ചെരുപ്പ് സെല്ഫി'യ്ക്ക് പോസ് ചെയ്യുന്ന കുട്ടികള് ആളുകളുടെ സ്നേഹവും വാത്സല്യവും സ്വന്തമാക്കിയിരിക്കുകയാണ്. ചലച്ചിത്രതാരങ്ങളടക്കം ആയിരക്കണക്കിന് ആളുകളാണ് ചിത്രം സാമൂഹ്യമാധ്യമങ്ങളില് പങ്കുവച്ചിരിക്കുന്നത്.
ബോളിവുഡ് താരങ്ങളായ അനുപം ഖേര്, സുനില് ഷെട്ടി, ബൊമന് ഇറാനി തുടങ്ങിയവരാണ് കുട്ടികളുടെ ഈ ചെരുപ്പ് സെല്ഫി ആരാധകരുമായി പങ്കുവച്ചത്. ആളുകള്ക്ക് നല്ലതെന്ന് തോന്നുന്ന കാര്യങ്ങള് അവര് കാണിക്കാന് തുടങ്ങിയെന്നാണ് ചിത്രത്തെക്കുറിച്ച് അനുപം ഖേര് ട്വീറ്റ് ചെയ്തത്.
നിങ്ങള് തിരഞ്ഞെടുക്കുന്നതുപോലെയാണ് നിങ്ങളുടെ സന്തോഷം. ഈ ഫോട്ടോ കൂടുതല് ലൈക്ക് അര്ഹിക്കുന്നുണ്ടെന്ന് എനിക്ക് ഉറപ്പുണ്ടെന്ന് ബൊമന് ഇറാനി ട്വിറ്ററില് കുറിച്ചു. സന്തോഷം യഥാര്ഥത്തില് മനസ്സിന്റെ ഒരു അവസ്ഥയാണെന്ന അടിക്കുറിപ്പോടെയാണ് സുനില് ഷെട്ടി ചിത്രം പങ്കുവച്ചിരിക്കുന്നത്. പ്രശസ്ത ഫാഷന് ഫോട്ടോഗ്രാഫറായ അതുല് കസേബ്ക്കറും ചിത്രം പങ്കുവച്ചിട്ടുണ്ട്.
https://www.facebook.com/Malayalivartha
