കാലാതീതവും അമൂര്‍ത്തവും ആയ പ്രണയത്തിന്റെ മുന്നില്‍ പ്രായം വെറും അക്കങ്ങള്‍ മാത്രമാണെന്ന് പറയാറുണ്ടെങ്കിലും പലരുടേയും പ്രണയം പ്രായമാകുന്നതോടെ കെട്ടുപോകാറാണ് പതിവ്.

അത്തരം സാഹചര്യങ്ങളിലേക്കാണ് അമ്പതാം വിവാഹവാര്‍ഷികം ആഘോഷിക്കുന്ന ദമ്പതികളുടെ വിഡിയോ എത്തുന്നത്. ചെറുപ്പക്കാരെ വെല്ലുന്ന തരത്തില്‍ ഇരുവരും പഞ്ചാബി തനത് ഗാനത്തിന് ചുവട് വയ്ക്കുകയാണ്. 

ഇരുവരുടെയും യുവത്വം നിറഞ്ഞ ചുവടുകളില്‍ നിന്നും കണ്ണെടുക്കാന്‍ തോന്നില്ല. അത്ര മനോഹരമാണ് ഓരോ ചുവടുകളും.

ഈ പ്രായത്തിലും ഇത്തരം ഊര്‍ജ്ജം കാത്തുസൂക്ഷിക്കുന്ന ദമ്പതികള്‍ക്ക് അഭിനന്ദന പ്രവാഹമാണ്. ഇവരെപ്പോലെ ജീവിക്കാന്‍ സാധിച്ചിരുന്നെങ്കിലെന്നാണ് വിഡിയോ കണ്ട മിക്കവരും അഭിപ്രായപ്പെടുന്നത്.