ഒന്നിച്ചു ഭക്ഷണം കഴിച്ചതിന്റെ ബില്ലിന്റെ പകുതി കൊടുക്കാന് ഭാര്യ തയ്യാറാകാത്തതിന് ഭര്ത്താവ് പോലീസിനെ വിളിച്ചു
വഴക്കും പിണക്കങ്ങളും ഇല്ലാത്ത ദാമ്പത്യമില്ലല്ലോ. എന്നാല് അത് പരിധിവിട്ടാല് വാര്ത്തയാകും. അത്തരമൊരു വാര്ത്തയാണ് സിഡ്നിയില് നിന്നും വരുന്നത്. ഒരുമിച്ച് കഴിച്ച ഭക്ഷണത്തിന്റെ ബില്ലിന്റെ പകുതി തുക ഭാര്യ നല്കാത്തതിനെ തുടര്ന്ന് പൊലീസിനെ വിളിച്ചിരിക്കുകയാണ് ഒരു ഭര്ത്താവ്.
.സിഡ്നിയിലെ ചൈനീസ് ഭക്ഷണശാലയില് നിന്നുമാണ് ഇവര് ഭക്ഷണം കഴിച്ചത്. ഭക്ഷണശേഷം മുഴുവന് തുകയും ഭര്ത്താവ് നല്കാന് ആവശ്യപ്പെട്ടതോടെയാണ് വഴക്ക് തുടങ്ങിയത്. വഴക്ക് മൂര്ച്ഛിച്ചതോടെ ഭര്ത്താവിന് ദേഷ്യം മൂത്തു. കൂടുതല് ഒന്നും ആലോചിക്കാതെ അടുത്തനിമിഷം പൊലീസിന്റെ എമര്ജന്സി നമ്പറില് വിളിച്ചു.
എന്തെങ്കിലും അപായം സംഭവിച്ചതാകുമെന്ന് കരുതിയെത്തിയ പൊലീസ് കാണുന്നത് വഴക്കിടുന്ന ഭാര്യാഭര്ത്താക്കന്മാരെയാണ്.
പൊലീസിന്റെ നമ്പര് സ്വന്തം ഭാര്യ ബില്ലിന്റെ തുക നല്കാത്തതിനല്ല ഉപയോഗിക്കേണ്ടതെന്നും എന്തെങ്കിലും അപായം സംഭവിച്ചാല് മാത്രം ഉപയോഗിക്കേണ്ടതാണെന്നും പൊലീസ് ഇവരെ ഉപദേശിച്ചു.
എതായാലും പൊലീസിന്റെ മധ്യസ്ഥതയില് വഴക്കുതീര്ന്നു. ആരാണ് അവസാനം ബില്ല് കൊടുത്തതെന്ന് അറിയില്ലെങ്കിലും പൊലീസ് കാരണം ആ കുടുംബപ്രശ്നം അവസാനിച്ചു.
https://www.facebook.com/Malayalivartha